نینداں دیوانٰ ڈیلؤں خاموش إنت.

نینداں  دیوانٰ جیند  اؤں  خاموشین.
جوست مکن  چیا ڈیلؤں پُر  جوشین.

گپ  و  گالان  تئی  مارا  دل گوشین.
قصهِ ڈولٰ بله   گپ   تئی    چوشیں.

تؤ  چیا  گوشتگ  دلبر  دل   فروشین.
گاهے   په  سار    ؤ   گاهے  بیهوشین.

منی ماه وشین  گل  بووا سلام سرکن.
تو    وتئی خیالٰ و  دلگوشٰ  گور   کن.

ایوک  و  تہنا  گون  من   حلوت   کن.
مارا  چی  دل  ٹوپ این غمان  در کن.

او  ماه  پریان ی  بانوک  دل  واه  این.
صورت  و   رنگٰ  دلبر    چو   ماه این.

گونڈوک ایں    مہناي   سرِ   براہ ایں.
نشتگ   مئی   دلبر   لوگٰ بر جاہ ایں.

بی ترا  او دلبر  جیند اوں  بیگواه ایں.
نشتگ  و   نالان   زند اوں  نادراه ایں.

نزانان شپ تهاریں یا  کہ رژن ماه این.
تو  کدی  کایئے جیند اؤں پہوال  ایں.

میر آسکانی بلوچ.