سجین ایت گُل وتا چو پُلیں ھنارا.
اڑین ایت مئی سرِ ھوش و مہارا.
ھزار افسوس پہ مئی اے چم خمارا.
گوں بچکنداں گُل ایں طوطی توارا.
جنِ تئی سِکہیں بالاد پہ راہ و رفتارا.
گوش ئے گواتء کہ لوڈین ایت بہارا.
بیا خیز کن برو قاصد تو چدارا.
اے قلم نقشٰ بدئے وتئی دزگوھارا.
جنِ مکنآسیگ چد و گیش تو منارا.
گُل ایں زندا مسوچ پُل چو لیوارا.
گُل ایں زندا مسوچ پُل چو لیوارا.
من شیدایاں جنِ پہ تئی گیند و گدارا.
کدیں من بیایاں بہ نینداں تئی کنارا.
میر آسکانی بلوچ.
