دلگوش : ھوشمندین بلوچ.
بزانکہ مئی لہتء راج گوش إیت.
مئی زبان پہ سید دور داتگ ایں حرفاں نہ تریت، مطلب ھما وڑا کہ راست و واناک إنت.
بلہ پہ فارسی او اردو زبانٰ ھنچوشیں دور و جمپ کن أنت کہ مثل سگِ دیما صاحب گوشت دور دات.
او مجبور أنت کہ پہ فارسی و اردو نبشتہ بکن أنت، پرچیا کہ إشانی بلوچی نبشتانک رھبندا اشانی وتئی سر پِر نہ کنت کہ چطور نبشتہ بہ کن أنت، پدا وتئی نبشتانکان پہ وانگٰ وت ھم مان گیش أنت. وای افسوز پہ دگہ وانوکاں کہ چطور گوڑا شم ئے نبشتانکاں ونت بہ کن أنت.
او بزان پہ مہم ایں خبرانی شینگ کنئگٰ دگہ قومانی غلام بنت بلہ وتئی بلوچیٰ نبیسگ و چینگ کنئگٰ گوش ئے مزنین کوہء اشانی دیما ھست إنت کہ سر کپئگ لوٹیت او دم برأنت.
او واقعی اشانی شینگ کوتگیں کتاب و گالبند او نبیسگ رھبند چہ کوہ کاف سرکپئگٰ ھم گرانتر إنت.
پمشکٰ اشان مہمیں خبر أخباراں پہ اردو یا پہ فارسی یا پہ انگریزی شینگ کن أنت تانکہ کسء سرپد بہ بیت او اے گپ حقیقت إنت کہ پہ اشانی بلوچی نبیسگ رھبند ھیچ کس سر پد نہ بیت.
او یکء اگاں اشانٰ نصیحت بہ کنت سرا پہ جاھلیٰ دئے انت کہ منطقی سوال جواب اشانی گورا نیست.
او پدا اشانی عقلٰ بچار کہ ھما حرفاں چطو چو بُلبل پیما پہ فارسی و اردو توار و نبشتانک کن أنت.
بلہ وھدء کہ تو کواسانی نبشتانکاں کموک چمشانک دیئے گوڑا ترا کندگ کئیت کہ حتی سید رھبند ھوں اشاں سرگوز کوتگ.
من باز ھم مثالیں نبشتانک غور کوتہ وھدء درستانی مثالان دیما پیش کناں منی روزگار رؤت و من نہ لوٹاں إسکرین شوٹ. مطلب دیم آدینک فوٹوان شینگ بہ کناں.
ھر کس وتئی مستر وتیں بلہ بزاں مطلب شما پہ زانتی یا نابزانتی یا تکبر یا واجہ و قبر پرستی خاطرا بلوچی زبانٰ دیمروی نئیل إت.
ھنچوش کہ پہ بلوچ راحتي جوھدا لہتء وت برات دیوال إنت، او لہتء پہ بلوچ نبشتانکٰ
اے بیت أنت دو غم پہ بلوچ راج سرپدیں مردمان. گوڑا جی بات فلسطینٰ سرپدیں مردماں کہ غم إش یکیں آزادی إنت نبشتانک غم إش پر نیست پرچیا کہ فلسطین ملت توار گوں عربی نبشتانک رھبندا باز فرق کنت.
منتواراں : میر آسکانی پلوچ.
جاہ جتگ صُحبی حکمتِ شاہٰ.
نشتاں وتئی پنچ وھد نماز جاہٰ.
دو رکعات نفل اوں ونتگ پہ گاہٰ.
شکر اوں گپتگ چہ پاکین اللّہٰ.
دعا اوں لوٹ إت چہ رب درگاہٰ.
خدا سالم کن ڈیلٰ مئی سالم دُراہٰ.
مئی زبانٰ او مئی آخرت جاہٰ.
کہ ھر بلوچٰ دوستیں چو وتئی ساہٰ.
علمٰ روشن کن مئی چہاردھی ماہٰ.
بیار و سر کن بلوچ پہ راستگیں راہٰ.
میر آسکانی بلوچ.
آسکانی بلوچ لبزانک بلوچستان
http://baluchilabz.blogspot.com
