تاب دات مھرنگ کاشیں ملگورا

تاب  دات  مھرنگ کاشیں ملگورا
پیچ إیت  ملگورا  سئ  تلیں ڈورا

ڈُکین إیت چماں چارإیت پُر زورا
داغ  دات اے تونیگ إیں دلٰ ھورا

نئیل إیت اے ڈیلٰ وابیں بے شورا
شُول  جنت  عشقٕ   وبتگیں  بورا

زھر کن إیں گل چو کُچلیں جورا
بار لڈ إیت مارا چو بزگ إیں مورا

جنٕ گل پری مھرنگ تو مؤر شورا
پر خداوندٕ  مھرنگ قدرت ؤ زورا

سنج کناں جؤمستیں  وقاب بورا
کایاں من إشتاپی چو گروک ھؤرا

ترا براں سئیلا گوں وتا دلبر ھورا
سئیل کنیں دراھیں سربازی کؤرا

گڑا کوڈکءِ بندایں پلیں پنجگورا
ھر دوئیں نیندین نوشیں ھنگورا

شـاعـر آسـکانی بلـوچ وتیـــــــں