یاد کناں پاک إین رحیم ؤ رحمانٰ
کہ بیقدر توانایں پہ قدرت ؤ شانٰ
ای خدا سالم کن مئ دین ؤ إیمانٰ
رند چہ إیمانٰ گڑا ھر غریب ؤ خانٰ
مئ قلم دستٕ تیز کوت سوھانٰ
چو دردیں ھوراں سیاھی شنزانٰ
کاغدا نقش أیں گالبند درنزانٰ
کہ پر وتئ مات إیں بلوچی زبانٰ
نیند إت مئ پُلیں شاھی دیوانٰ
من کناں توصیف پاکیں رحمانٰ
قدرتاں شاہٕ دراھیں کاراں ایمانٰ
کہ قدرتاں بالائیں پہ ھموک شانٰ
چار إت اے پراہ ؤ سبزیں آسمانٰ
وتئ قدرتاں داشتہ پاکین رحمانٰ
بر بحر جنگل گوں لُنجہیں زمینٰ
مُرتگ ایں درچکان مان کنت گینٰ
نیں حسد ربٰ ھچ کسی در میانٰ
مرغ مور ؤماھی پہ جین ؤانسانٰ
کافر ؤگبر ؤنیک ؤ بد کل مسلمانٰ
بہر کنت روزیگ پہ دراھیں جہانٰ
اگاں کسءِ فکر کنت پر وتئ گمانٰ
کہ پیداگ کنت رزقٰ وتئ قدت جانٰ
بزانکہ ناقصیں آئ جسم چہ ایمانٰ
گوڑا کپتہ پہ راہ شوم ایں شیطانٰ
خدا نجات دئے چہ ناقصیں ایمانٰ
کہ وسوس ی کپتہ ماں دل ؤ جانٰ
کنت توکل ؤ بج ایت کارءِ درمیانٰ
بزاں شکی ھستین پہ قدرتٕ شانٰ
شـــاعــر آســکانی بلـــوچ وتیــــں
ليست هناك تعليقات:
إرسال تعليق