بیا منی قاصد او کپوت چاھی
بُلبل گفتار منی وش گوشیں قاضی
بند وتئ لانکٰ سنگت إصفرا غازی
پدا رھت ؤ پالام کن دلدلٰ تازی
زین ائے پہ دلبندا بدائے حجازی
نیندی پہ ونگٰ دلجم و دراھی
کلیگٰ آپ کن چہ باغچہٰ مالی
تیز ؤ إشتاپ کن مرغ وقاب بالی
دؤر کن چہ بلوچستان زٕیدا پگاھی
بیا چہ آپ بندان باغیں سربازی
اگان گیگ ندات ھار ترا باندا بیگاھی
گڑا شامٰ نوش کن چہ کزور کؤرا ماھی
گڑا نیند منی بُرزیں کاپرا شاھی
ھما سارتیں ساھگ ؤ دیوانٰ مڑاگاھی
گوںڈل گِر منی نزیکیں کشٰ جاھی
بلہ می گپان دلگوش کن شر پہ آگاھی
یک پہ یکیٰ منی نقطھان سیاھی
چو ھما سپاھی و راہ زنٰ ڈاھی
شینگ کن اے پیغامٰ باندا گوامگواھی
بلوچستانٰ دراھیں کونڈان ھر جاھی
جی مڑایانی کہ ھما وھد دات گواھی
پیداگ إیں ھما دؤر اگاں خدا بواھی
کہ گؤر جتگ مارا مرچاں دلتنگی
دل منی ژند إیں پیشگ إیں سنگی
بلہ قصوءِ وش إیں گوشاں جنگی
وش إتنت وھدی دؤر بلوچ ھنگی
جنگ ؤ پیکار گون دولت فرنگی
أھدیگیں عادات بیت أنت کم رنگی
سر کوتگ نوک إیں دھرءِ ھم رنگی
ظاھر إیں نوبت پہ نوکراں زنگی
بیا منی او شاہ زادگ مڑا دارین
مئ دلٕ دردانی ھما شری دارین
کہ غلوءِ زرتگ مرچان ڈیلٰ مئ بارین
دئیاں ترا احوالاں سئ ؤ چاریں
کئی پہ اے دنیایٰ دلٰ بندی
تاں کدیں برز ماں کلاتٰ او ماڑیٰ نیندی
گوں گُل إیں کاڑ ؤ گرد سراں ھندی
گڑا نیند إیت پہ غلنازیں دپءِ قندی
پر ھر کسٰ تران إیں اے دؤر پد ؤ رندی
وھدءِ کہ میکائیل رزقٰ چہ تئ سرا بندی
ماں شش دریں کوٹٰ ھم موت ترا گیندی
تئ نازک إین گینٰ چہ مھر ؤمادرا سندی
شـاعـر آسـکانی بلـوچ وتیـــــــں
