مرغ فیروزی بیا چدا بال کن

مرغ   فیروزی   بیا چدا  بال  کن

مہوشیں  مہرنگٰ  برو سلام  کن

چو بگوش مہرنگٰ کساں سالیں

چیں تئی  مقصد گوں منا راز کن

زندگی  دو   روچیں  گلی ناز  کن

محبت دوستی گل گوں ما باز کن

شـاعـر آسـکانی بلـوچ وتیں 

اے کسان ذات إین زندا چہ پیران.

اش تئی شہرا  گل جان من دیران.

بیا  منا  برگون  تئی  غمان   زیران.

نشتگان   تہنا   اش وت دل گیران.

تئی دپِ شہد  ؤ  شکل این شیران.

پر   وتئی   غموار این   دپٰ   زیران.

شــاعــر آســکانی بلــــوچ.وتیـــں

ھزاراں گل جنٕ بروی ماہ تؤ بات

ھزاراں گل جنٕ بروی ماہ  تؤ  بات

گُلٕ ماھگونگ ؤ ماھ إیں پری ذات

پرعجیب إیں غلہ ؤگواھی زیارات

گچین تؤ وت کوت ؤ پُلءِ منا دات

ھزار أفسوس گلی ماہ إیں ترا بات

رَدیت دات أنت دُرہین زاری فریات

نبیت نپ ھچ وڑا  گُڈئیگیں ھیہات

وتئ نادانین دلٰ مھرنگ بکن سارت

بلوچٕ قول وعدہ درست وتئ وارت

دلٕ شیشگ بلور أیں گُل کوتگ آرت

منا پر وت نئیت إیں اے وڑیں شات

کہ بگرداں جنگلاں چو مثل ساوات

أبد  زندا  ملگات ترا گرموکیں گوات

اے غماں پیچیدگین  اللِہ  وتٕ بارت

شـاعـر آسـکانی بلـوچ وتیں

چند گال گؤشتگ أؤں پر گلزمین ماھرنگ

چند گال گوشتگ أؤں پر گلزمین مہرنگٰ

ھما دادشاہ  گہار خاتونان وڑیں ھم رنگٰ

کہ  لانک  ھمائیا  بستگ أت  پر بلوچ  ننگٰ

شاباش ؤ مرحبا گہار بات  ترا ھمءِ  جنگٰ

چند جنینٰ دیم پہ دیم بیتگ ئے گوں ھنگٰ

پر وتئ ڈیھ حقیں درست رس  ؤ ھم تنگٰ

بلوچ عزت ؤ آبرو تؤ گران کوتگ چو سنگٰ

دراھین لگوران تؤ  ٹوپءِ  جتگ  ماں ونگٰ

کہ بے سماء أنت چہ بلوچ عیبٕ  تانہ ؤ ننگٰ

وھدءِ بلوچ ھوار أنت مردم بجنت کئ زنگٰ

بیوس إیں مسکیں  تؤ منوش شراب ؤ بنگٰ

چیا بلوچ واب گینگ بیحال ئے چو شیر لنگٰ

پادا ھمت کن پر وتئ حقوق سادھیں جنگٰ

کہ مشکلیں کار جوان نبنت پر سرود  چنگٰ

آسکانی گیشین چہ گَر گٹ  نگوم این درنگٰ

کہ مزن کؤرا گانڈو گونین چہ کیچ ؤ نہینگٰ

شـاعـر آسـکانی بلـوچ وتیں

جنٕ تئ أسودین برواناں سپہ داریں

جنءِ تئ أسودیں برواناں سپہ داریں

ڈیل أؤں. چہ اندوہ ؤ غماں گاریں

پونز تئ درپشناک أیں ھندی کاڑاریں

ھما گندہ إیں چمانی کشٰ سواریں

کاغد إیں دیم تئ گِردیں براہ داریں

لونٹ شراب رنگین ؤ دنتان ڈولداریں

لنکوک ؤ مندریغ دراج ؤ سیاہ ماریں

قد بلند شاہ ذات ؤ طوطی گفتارین

نوں اے گنوکیں دل چہ زندا بیزاریں

جیند مئ ساہ دارءِ گل بیا ترا چاریں

شـاعـر آسـکانی بلـوچ وتیں 

جی ھما دؤرا کہ گلزمین بیھی جاگہ أت

جی  ھما  دؤرا  گلزمین  بیھی جاگہ أت

عزت   ؤ    آبرو   ؤ    مڑایانی  ساھگ أت

  گوازی گوں أسپ  إصفراں ڈَنٕ پراھگ أت

زالاں پہ چاپ شیراں پہ جنگٰ واھگ أت

دُشمنِ  دیمٰ  جنگلول إیں مردانی مُج أت

اے وڑیں  بےننگ بے تنگویں آوہدا کُج أت

شرق ؤ  غرب پھکیں  گُلزمینٰ دلمانگ أت

نام   بلوچانی  دراھیں  جہانٰ  دُردانگ أت

بیوس بیحال ؤ فقیر شاہ دربارا زانگ أت

ھر کجا دراھیں عھد ؤ پابندانی وانگ أت

سیدہ إیں  راہٰ  اگاں کسءِ عھدانی دَر أت

پیش  درگاہٰ   پادشاھانی  گوڑا  شَر دَر أت

اے  مھال أت  کہ عزتٰ  کسٕ دست بجنت

ایدگہ  مخلوق  سرجمٰ راج ئے چُپت بکنت

گپ ؤ کردارا  حیلہ ؤ جوان إیں مکر  بکنت

کُل نیند إیت ؤ کار ؤمرز گوات ھوپ بکنت

شــــاعــــر آســـــکانی بلــــــوچ وتیـــــــــں

مرچی پاد آتک آں من سحر گاہٰ

پاد آتک آں مروچی من سحرگاہٰ
دست أؤں بستگ ماں رب درگاہٰ

نفل أؤں ونتگ پہ کل إیں أرواحٰ
عاجزی فریات گوں لاڈُکیں شاہٰ

مرداں گُڑ چراے أحوالِ گذر گاہٰ
من نشتاں دیوان پل إیں بونگاہٰ

رید کناں چندءِ گال پہ دوستواہٰ
کہ مئ قلم دستٕ مست ؤ گُمراہٰ

نقش کنت گالبند پر مادنیں راہٰ
نفسٰ گمراہ إیں شؤن دات جاہٰ

کہ تیچک کن ایمانٰ شریعتٕ راہٰ
کنت ترا إسلامٰ چو چاردھی ماہٰ

وش نبنت کردار دوست دل پاہٰ
ھوشٰ پٹ ئے وتئ گاریں بیگواہٰ

پر اے وڑیں إنسان کئے دات گواہٰ
ھچ نزانت مسلمان زندگ إیں راہٰ

زور جنت کلٰ چو داس چنت کاہٰ
دشمن إیں زال بول ئے چو بدواہٰ

فکری ھچ نیں چو مثل بے پرواہٰ
چو ساواتٰ نشتگ پُلین پیشگاہٰ

پاد وت جنگ واریں گوں وت پادٰ
مان بندی زالٰ گوں بے ننگیں زاہٰ

فکری لاپ إئیگ چو گوک حیوانٰ
وت سرا گپ کنت چو مثل نادراہٰ

بُرز جنت ساڈا إیت وتا مانند ماہٰ
مکار ؤحیلہ کردار إیں مثل روباہٰ

گوش بدار سوجاں دراھیں پگاہٰ
چو ھما سپاھی ؤ چال بانز آگاہٰ

آرام کن ھما درچک پراھگیں جاہٰ
ساھگٰ کل دیوان أئیگ ؤ مڑا گاہٰ

بو بچن ھما درچکٕ شاھڑاں دراہٰ
چو پت ؤ پیر ؤ ھما عادلیں شاہٰ

اگہ نزانئے عزت آبرو پُلیں بنجاہٰ
عاقبت شیطان ترا دؤر دات چاہٰ

ملکموت کئیت إیں وھدءِ بے ڈاہٰ
قبض کنت چہ جانٰ زندگیں ساہٰ

رحم کن پر گین ؤ نازُکیں أرواحٰ
جنتٕ گُلدانٰ جوڈ بکن وتئ جاہٰ

خدا نجات دئے چہ نادیدیں گناہٰ
بہشتٰ جوڈ کن آسکانی ابد جاہٰ

شـاعــر آســکانی بلــوچ وتیـــــں

باغانی کپوت سبز ناکیں

باغانی کپوت سبز ناکیں

تؤ کوکواں مکن  تپناکیں

اےزندٕ اندوھاں غمناکیں

بیگواہ ایں گُلی بے باکیں

ماہٰ چاردہ  بیتگ  پاکیں

ڈیلؤں  انتظار ایں تاکیں

زئیگیں روچ گوش ئے جہل بیتگ

دزگوھاراں چہ گُل پری تک بیتگ

دیم ی  چو  چہاردھی  ماہ  بیتگ

گوں  چماں  کنجل ایں ٹہل بیتگ

گوں  مہنائیں سر  ؤ دیم برق ایں

وھدءِ جیندا  دیم پہ دیمی  دیتگ

واھش ماں دلٰ مئ چو لہڑ  بیتگ

بلہ نئیکہ امباز ماہ گُلٕ سہل بیتگ

شـــاعر آســکانی بلـــوچ وتیـــــں

جنٕ منا تئ محرم ؤ تؤ مئ دلٕ دوست

جنٕ منا تئ محرم  ؤ تؤ  مئ  دلٕ دوست

چہ اندازہٰ  کوتہ گیش من  پہ  تؤ أوست

اگاں راضیگ  نبئے تو مئ  گلیں  دوست

دلٰ درکن مئ  بسوچ چو  إشکرا گوشت

دلٰ پھکین مہرنگ بچار شربکن جوست

پشومان بئے وتئ سرا مہ جن پہ موشت

شـــاعــــر آســـــکانی بلـــــوچ وتیـــــــں

دل گوش إیت پاد بکن جنگءِ مھرنگ ذاتٰ

دل گوش إیت پاد بکن جنگءِ مھرنگ ذاتٰ

گلبدن برو سرپد کن وتئ سڑیتگ إیں ماتٰ

بگوش اے پیغام دیم داتہ تئ مکران براتٰ

چو گوشتگ ھما معیار جل پلیں سوگواتٰ

ھوش  سرا  مان  نیست  اے پیریں ساواتٰ

دائمٰ بلاہ جل چست إیں پہ جاک ؤصلواتٰ

زاناں بزّگ تہنا تئ جیند إیں پِلوڑینت ماتٰ

جہان شیرزالاں شیر وارت چہ زال ذریاتٰ

بلہ نیست ترا إحسان پہ سیاد ؤ وت براتٰ

ترا معیار نیں ھر کس رؤت پر وتئ شاہاتٰ

کس کُڈک نہ نندیت اگہ زری داتہ پہ کلاتٰ

دنیا ترا ٹِیلیت سر ڈھور کنت عاقبت چاتٰ

اؤ آسکانی بس کن چد دیمٰ ھچ مجن جاکٰ

 کہ سوج ؤ سر گون أنت ھما گورہچ گواتٰ

شـــــاعــــر آسٍــــــکانی بلـــــوچ وتیـــــــں

گؤشتگ أؤں رھبندءِ دگہہ نقشیں

گؤشتگ اؤں رهبندءِ دگہ نقشین.

سجہین براه دار انت عجب وشین.

اے هما گالانی درؤر انت تروپشین.

پر مئی بلوچ لبزانکَ قلم کشین.

اگاں علمِ بازارا اے رَد انت زنڈین.

گوڈا پر منئ لیکوان کلام گونڈین.

اگاں الّما رُژن انت مئ خرد مندین.

گوڈا مئ نصیحتان تو سرا چنڈین.

ھوش اؤں نیزگار ؤ زانت قلم کارین.

گڑا من کنان جُهدءِ تو منٰ رَمب إین.

آسکانی وار بیت چہ اندُهان بازین.

چہ اے غمان دل ٹوپین منا گوازین.

شـــاعر آســکانی بلـــوچ وتیـــــــں 

بونیاد گپ بلوچی نبشتانک رھبندیں

بونیادگپ بلوچی بنشانک رھبند

:

 سید ظہور شاہٰ ھم ھنچوش گوشتہ کہ اگاں وھد نگیگ مبوتیں من پدا بلوچی نبشتانک رھبند بدل کوتگ أت یا کہ راست کوتگ أت. 

 اگاں نہ در مودت سی ماہ کہ ما وتئ نازوکیں وھد بس پہ بلوچی رھبندا خرج کوتگ من گینداں  بازینءِ ھمٰ نبشتانک  وڑا لہتءِ گال زرتگ ؤ نبشتہ کوتگ

پرچیا کہ لہتءِ پہ نام جہد کنت ؤ لہتءِ پہ وتئ زبان دیمروئٰ جہد کنت ؤ نام نلوٹ إیت. 

اؤ مئ مول ؤ مراد ھمیش إیں کہ پہ وتئ زبانٰ طالب بوان  أنت ؤ ھرچ خبرءِ پہ مئ وتئ زبانٰ شینگ ؤ تالان بہ بیت ؤ باندات إئیگ ؤ مروچیگ إیں بلوچ ھم سرپد بہ بنت

اؤ نبشتانک وڑ جم مختصر ؤ گؤنڈ بہ بیت کہ نبشتہ کار گوں خبر کنوکٰ آثر کوت بہ کنت گوں چوش نہ کہ گوشندہ دہ خبر بکنت ؤ نوشتہ کار نبشتانک یک گالبندءِ بہ بیت و چہ سرجمیں خبراں دست گٹ بہ بیت

ھما کس کہ سید ظہورشاہ مرید أنت وتئ مرید رھبند إش یلہ کوتگ نئے پہ جوانیں رھبندءِ نوشتہ کن أنت کہ سجہیں دنیا ھما وڑا دیھگاں نبشتہ کن أنت ؤ ھم غیر بلوچ ھم پہ ھما سیدھیں رھبند نبشتانکاں سرپد بیت  ؤ نئے پہ سید ظہور شاہ رھبندا ھر یکءِوتئ وڑا یک فکرءِ کنت ؤ نبشتہ کنت 

سید ظہورشاہ. تو نبشتہ کوتگ بلہ

البتہ : راستیں رھبند نہ تئو نہ تو بلکہ تعو إنت. 

بلہ ما تؤ نبشتہ کنئگ بنگیج کوتہ کہ گہتر ایں ؤ گونڈ تریں

بلہ در اصلٰ منی جیند چہ سید ظہور شاہ ھاشمیٰ کہ در اصل قبیلہ و ٹکِٰ نام عربی سید محمد (ص) إنت من سک باز منتواراں کہ البتہ دیوال بونرید مطلب بلوچی زبان بونگیج.. سید ظہورشاہٰ گپتگ راستی گپتگ یا کہ چہوٹی گپتگ بلہ البتہ پہ وتئ دؤر و زمانگٰ آئیا بلوچی أدبی زبان رھبند گپتگ بونگیج کوتگ.

یک گونڈیں مثالء من پیش کناں کہ

من بہ جاہ مُدتٰ مودت نبشتہ کوتہ کہ پہ بلوچی زبانٰ..... مدت پہ بلوچی زبانٰ..... او پہ فارسی زبانٰ کمک..

 مودت پہ بلوچی زبانٰ.. وقت پہ فارسی زبانٰ 

بلوچی زبان پراھیں زبانءِ کہ نازرک گیشینگ لوٹ إیت پہ جوانیں وڑءِ وھدءِ کہ پہ راہٰ کپت گڑا آسان بیت ھنچوش کہ ایدگہ مردم زبان وڑا

اؤ اگاں پہ فارسی زبانٰ مدتٰ کمک بئید زبر زیرا نوشتہ بیت گڑا ھر کس سرپد بیت کہ اے مرد مول مراد مدت ایں بلہ پہ بلوچئٰ نہ گوڑا ما چیا وتا درد ؤ سر بکن إیں کہ وھدءِ مارا إختیار ھست کہ ما مدتٰ مدت نوشتہ بکن ایں ؤ مُدتٰ مودت

دلگوش :  سید ظہوشاہ واھگ بلوچی نبشتانک رھبند إنت کہ آئیا لوگ و دیوال بونرید ایر کوتہ ما باید تکمیل ی بہ کن ایں.

او دگہ ھم لہتء بازیں بلوچی نبشتانک رھبند پہ حرف بدل بوتگ أنت کہ بغیر زبر و زیر و مان گیشئگٰ واناک أنت.

إنشاءاللّہ خدا شمارا توفیق دیات کہ زود جونءِ وڑء وتئ نبشتانک رھبند گچین جن إت ؤ شینگ ؤ تالان کن إت 

اللّہ معیار إت

شم ئے کستر میر آسکانی بلوچ

ماھیں قد بُلند شیری کپ

ماھیں قد بُلند شیری کپ

أومان بنت منٰ عہد ؤ گپ

روچٰ گِر کوتگ ھنچو شپ

زندا بے ترا نیست ایں نپ

وھدء یاد بنت تئ گپ رپ

آسکی گردن ؤ دُرجین دپ

مھرٕ سیادی مئ رفتہ چپ

دوشی بیتگاں دراھیں تپ

آسـکانی بلــــوچ وتیــــــں

...........................................................

دُرجیں دپ ؤ کنڈیں زنوک

منجو  سر إیں گُل ماہ نوک
دوست ئے منا چمانی روک

دُرجین دپ ؤ کنڈین زنوک
مُروارد إیں تئ دنتاں تپوک

چم کنجل إیں چماں جنوک
برواں چو سیاہ مارا دجوک

زخم این  دلِ  درداں  بروک
دست نازُکیں درمان کنوک

من چون نباں أرساں شلوک
دل مئ  غماں گرانیں دروک

دل  مانگاں  ھنچوش  گنوگ
 مہرنگ مہر ؤ محبتٰ بموک


شـاعـر آسـکانی بلوچ وتیں

نیم عمر بیت جاہ جتگ عشق مئ پانگٰ

نیم  عمر  بیت ؤ جاہ جتگ عشق مئ پانگٰ

دلگوش أؤں ترینت شاہ پری ماھیں چانگٰ

کہ پہ قلم نقاشی کوتگ منی شاھیں قادرا

داب  کنت  ماھرنگ ماں وتئ  قصرٕ ساھگٰ

ڈول ڈیل لالٕٕ رُستگ ایں سئولءِ پہ چارگٰ

قُبل إیں برواناں چست کنت مہر پہ مارگٰ

نزاناں چئ گوشاں مھلینجٰ گُل ؤ پُلیں بارگٰ

اے دلٰ سیست أنت سوتلی ساداں پہ دارگٰ

نئے قید بند داریت گِر کنت چو پہوالیں سرا

اے خدا کامیاب کن  مئ اے پاک ایں واھگٰ

شـــــاعـــــر آسٍـــــــکانی بلـــــوچ وتیـــــــں 

نازانی مہرنگ ایں گُلی

نازانی مہرنگ ایں گُلی

إسفیتیں برفٰ ترنگلی

وشیں بہارٕ ؤ سُمبلی

مات أئیگ پسٕ لاڈنی

نالاں پہ تؤ چو بُلبلی

چمانی أرساں گُلگلی

ھؤر بش نودان ماھلی

اسپٰ تچان أنت دُلدلی

دیمؤں کوتگ پہ گاڈلی

سیاہ ؤ تہار ماہیں ڈلی

بارگ مکن تؤ سنگدلی

بیا آؤ خمار چمیں گلی

حالءِ بدئے وشیں غَلی

یک قصوءِ پہ وشدلی

من نشتگاں پہ تنگدلی

زند تؤ کوتہ آساں جلی

کاراں خدا کنت پہکدلی

بس أیں مکن تؤ جاھلی

شاعر آسکانی بلوچ وتیں

ذکر کنان نامٰ مالک الملکٕ ھر وھد ھر برا

ذکر کنان  نامٰ  مالک  الملکٕ  ھر وھد ھر برا

کہ شینگ تالان أنت  رحمتاں  ربٕ ھر گؤرا

دوستریں طفل چہ إش وتئ حقیں مادرا

ھر کسی گپان إشکون إیت اے دنیای سرا

فقیر ٓأمیر ؤ پادشاہٰ ھچ فرق نیں اللّہ گؤرا

بد ؤ نیکٰ مُہلتٕ دات کہ بؤر أنت دنیای برا

نیںست  حسد  ربٰ إش کسی نیکین ؤ بدا

کہ رزق بخش إیت پر مؤمن ؤ گبر ؤ کافرا

جوڈ کوتہ دنیاء ؤ اختیار ھر پیم است ترا

جنتٕ أعمال گوں غیبت ؤ شیطان شر درا

روچ کہ دَر کئیت دلگوش ایں اللّہ ؤ اکبرا

باریں کجام گناہ کاریں جنت پدا اللّہ درا

گریت ؤ پٹین ایت تُرس چما روز محشرا

مردم بیخیال أنت چہ جہنمِ آس ؤ إشکرا

اے دو روچ دنیاءِ گوز إیت ھر پیم ھر وڑا

زندگی ھمایں ھچ نبیت خلاص تاں آخرا

آسکانی یلہ دئے دنیائٰ پادا چہ پُلیں پترا

قبلہٰ دیم کن ؤچئیر بگیج پاک ایں چادرا

عرض ؤ فریاتاں  پیش بکن شاھیں قادر

نیں کسٰ قُدرت بہروسہ کن پاکیں مہترا

جوڈ کنت کاراں ؤ عاقبت آرام کنت  ترا

ماں جنت گُلدانٰ بہشت آراستگیں چترا

شـــاعــــر آسٍــــکانی بلـــــوچ وتیــــــں

جنٕ ناز مکن ماھلینج پر وتئ شانٰ

جنٕ ناز مکن ماھلینج پر وتئ شانٰ

کہ اے رنگ صورت  ترا داتہ رحمٰنٰ

رنگ قلم کشیں گون دراھیں الوانٰ 

کہ  ماں اول حولٰ کش ایت ایمان 

قبض کنت گینٰ چہ  زندگین جانٰ

قید کنت ھوشٰ ماں  عشق زندانٰ

من چون نباں بندیگ  پرگُل أندامٰ

پما مھوشیں مھلینج  نازک أندامٰ

گٹ ؤ حیراناں من  چو مثل نادانٰ

بارگ تؤ مکن آسیگ نازُک ایں جانٰ

جنٕ بیا بنیند گون ما پہ عہد پیمانٰ

پورہ کن دراھیں مھرنگ زند أرمانٰ

جیند إؤں گمراھیں دیم پہ تئ بانٰ

کہ ھر دویں نیند ایں ما تؤ یک زانٰ

ای خدا تو رحم کن پہ ھر مسلمانٰ

اے چہ مھرءِ کہ تو داتگ ھر انسانٰ

شـاعـر میـر آسکانی بلــوچ وتیــں 

شما دلگوش کن إت وش ایں بیانٰ

شما دلگوش  کن إت  وش ایں بیانٰ

کہ جناں شعرءِ بلوچی پر وتئ زبانٰ

منا  ھیچ کار  نیست گوں اے جہانٰ

نباں  من  أمراہ  غنوک ایں  مردمانٰ

کہ سر ؤ  مالٰ کن  أنت  روچءِ  زیانٰ

گنوک  نیم روچان گرد أنت جنگلانٰ

کناں کابٰ من وتئ زحم ؤ تیر کمانٰ

عیان أنت مئ  بلوچ دراھیں  جہانٰ

کماش وت  نشتگ أنت مئ درمیانٰ

نصیحت  کن  أنت  درست  مردمانٰ

بسوچ آسکانی دلخراب ایں بدزبانٰ

نکنت ھچ فکر پہ بلوچٕ  عہد ؤ شانٰ

شـاعـر : آســـکانی بلـــوچ و تیــــں

دروگ مبند مھرنگ من سرا ھوشاں

دروگ مبند مھرنگ من سرا ھوشاں

محبتٰ  تئیگٰ  من  دائم  پُر جوشاں

چہ غمان گران ایں تئ شراب نوشاں

اے دنیاءٰ دراہیں مہرنگ دل فروشاں

اش وتئ نصیبٰ ؤ بختٰ من چوشاں

وتئ غماں بازیں گوں دنتان دروشاں

دوستئٰ  تئ من  چہ ھر کسٰ گیشاں

بیا ترا وتئ غمواریں  دل تہا پوشاں

شـاعـر آســــکانی بلـــوچ وتیـــــــں 

زاناں مروچی جاہ جتگ نوداں

زاناں مروچی جاہ جتگ نوداں

ریچ أنت ماں کؤر دپ ؤ روداں

روان کہ من یک کِروکءِ نینداں

وتئ  غماں من سجہیں شوداں

ضرور روچءِ أوشتاں وتئ پاداں
کہ منا آسیگ کوتگ ھما سیاداں

گیشتر گلندامٕ سر شپ ہما نیاداں 

نوں من کناں درمان وتئ کراداں

 بلہ  وتئ  غریبیں  حالٰ شُپاداں

نزاناں چیا مدامٰ وتسرا  شاداں

پہڈ من پہ وتئ ربٕ قدرتان بنداں

ھر مدام گرنداں چو جمبڑ رعداں

اگر خدا بواہ إیت ؤ قادر لا شکیں

واھشاں اے دنیائٕ پہ مراد گینداں

شاعر آســــکانی بلـــــوچ وتیــــں

بہاراں پچ کوتہ موسم شراب ئے

 بہاراں پچ کوتگ موسم شراب ئے

 اؤ  گلٰٔ جیگٰ جتگ پلاں گلااب ئے

مروچی موشتگ تو عنطر زبادئے

بِرّیں سئیلٰ مروچ  جنگل گیاب ئے

کن ایں بُنگیج پدا چنگ ؤ رباب ئے

جوانی شِینگیتگ وھدیں شباب ئے

گِرین لذت دویں گوشتاں کباب ئے

غماں شود ایں چو آرتٰ آسیاب ئے

بَریں دؤر إش دئیں موجٰ طیاب ئے

بنِندیں وشدلٰ چو وھدی نواب ئے

شـاعـر آســکانی بلـــوچ وتیـــــــں

أعروس کوتہ ماھرنگ تؤ زیگ

أعروس کوتہ ماھرنگ تؤ زیگ
تؤ غل کوتہ ؤ مئ جیند غمیگ

انگہ تؤ نہئے  ماھرنگ صحیگ
کہ أرساں دل مئ مینتہ جیگ

آپ بیت أنت دراھیں زندٕ پیگ
پہک ھچ نبنت ارس پہ سریگ

دوستءِ نہئے تؤ ماھرنگ دلیگ
درت دل تؤ  پہ ڈنڈیکیں نئییگ

نون ای دل مئ چہ اے ملکٰ درا
برو  نیند ماں مسقطٕ شہرٕ گؤرا

یا ھما کوہٕ برزیں کہورانی سرا
دورگیند بکن چہ دور ھما دلبرا

ناگہاں بلکین چہ لوگٰ کَیت درا
پدا شاید بگیندان من ماہ گورا

 زانانکہ دیدار نبیت مئ ھچبرا
بلکیں بہ ملیں ہما روچ محشرا

شـاعـر آســکانی بلـــوچ وتیــں

گورتہ ھؤرا ؤ موسم ھؤر سایں

گورتہ   هورا ؤ موسم  هور  سایں

جاہ   امارات   ؤ   وقت   بیگاھیں

وعدہءِ  وقت مئی  مرچی  پگاھیں

نیست گُلٰ إحوال مرچی بیگواھیں

سواری چہار پادئے مست گمراھیں.ل

دیم پہ ھمودا کہ مئی دلبرا جاھیں

مُدت ؤ  وھدی  یک ساعتءِ راھیں.ل

وت تک ؤ تہنا ؤ  رب أؤں  أمراھیں

چم روک مئی دلبند بوست بُنگاھیں

سک منا دوستیں ؤ مثل چو ساھیں

شاعر آسکانی بلوچ وتیں 

چئ گوشاں مہرنگ ایں کماں میانٰ

چی  گوشاں من مھرنگ ایں کمان میانٰ.

چہاردھی  ماہٕ   ماں   شیشوم  ایں  بانٰ.

ھر قدر من  فکر  تریناں پر  وتئی گُمانٰ. 

گُل گوش ائے  تائیں چہ سجہیں جہانٰ.

پاد کئیت  ماھرنگ  دزگوھارانی دیوانٰ.

نیند ایت دیم  آدینکٰ چو  مثل گولدانٰ.

گوڑا  داب  کنت  مہرنگ پہ غل و شانٰ.

دستی  نقش  دوچٕ   پوش   کنت  جانٰ.

مہلب  و  مسک  و   گوں دراھیں الوانٰ.

گُل بدن  مال ایت  وتئی  نازوکین جانٰ.

کہ بوی  تالان إنت  ماں دراھیں  دیوانٰ.

درک ایت پہ غلنازیں  گپ   رپ  و ترانٰ.

بے  گؤم   و  ناگیگ  چست کنت  چمانٰ.

عاشقی راز کنت  گون  قُبل این  بروانٰ.

ترانبل این   لونٹان   وتئی  مثل   ارمانٰ.

ھر دمان چونڈیت  گوں کُچکین  دنتانٰ.

قبض  کنت   گین   چہ  زندگ ایں   جانٰ.

قید  کنت  چو  ھوشٰ  ماں عشق  زندانٰ.

چتئو گون  گُلٰ  بنداں من  عہد و  پیمانٰ.

اے  زندگیں  رازاں  گوں ماھلنج درمیانٰ.

وھدٕ  گلبدن  نیند ایت ماں عشقٕ دیوانٰ.

گونگ  و چچ کنت  مئی اے  لہڑیں زبانٰ.

گونڈل سک  وتا پہریز چہ عشقٕ  میدانٰ.

زندا  سرگؤستگ باز چہ عاشق ایں جانٰ.

نئیکہ  زانت  آسکانی  اؤ  نئے وتیں دانٰ.

قصہ ای  ونت  أنت  ؤ  کوت  أنت  مانٰ.

گر کسٕ دؤر کنت  اے  لونج ایں میدانٰ.

گوڑا  چوپ  و ایر  کن وتئی زندٕ درمانٰ.

میر آسکانی بلوچ.

من وتئ نیک ؤ دل صافیں کاراں افسوسی گاں

من پر وتئ نیک ؤدل صافیں کاراں أفسوسی گاں

کہ گوش داشت أنت تئ حیلہ مکاریں زھیری گاں

إنشاءاللہ نہ رک ئے تو چہ اُقبالاں مئ غریبی گاں

چہ بون بیہی اھل ؤ أولاداں ھما شئ کہیری گاں

دراہ نبنت تئ  دردان پہ ھچ درمانان طبیبی گاں

زاناں شینگ  تالاں  بنت تئ فرایاتاں طُفیلی گاں

شیک إتگ مروچی کوشٰ ھما سرد و دل گواپیں

دراھیں خلق زانت تی دل دائمٰ سوتکئگ ؤ تاپیں

شاھد  خدا ایں کہ مئ دل گون ھر گسٰ  صافیں

پرچیا کہ دائمٰ مئ دپٰ اسم أعظم ؤ چہل کافیں

ھر کس زانت کہ بے بندی مکر ؤ حیلہ تئ کاریں

گُمان  کوتہ ما  تئ گہارواریں  عادت انوں گاریں

بدواہ شر گوشاں دار کہ پر خداوندٕ ذکر تسبیحٰ

نوں  شر  بزانکہ ترک إتگ  مئ  نوک زبان ھاریں

شـــــاعـــــر آسٍـــــــــکانی بلـــــوچ وتیـــــــــــں

من رواں شہرا کہ بلوکٕ بند إیت ماسگٰ

نوں  رواں شہرا کہ بلوک بند ایت ماسگٰ

پر وتئ زند بختٰ ؤ دستٕ لکیرانی چارگٰ

سک نِگُوَم کورتہ منا شاہ پری ماھیں بارگٰ

دمبورتہ اے سرکش ؤ گنوک ایں دل دارگٰ

سادگیں  عاشقی سک مشکلیں اے زمانگٰ

دم نبارت کس مکر ؤ حیلہٕ کتابانی وانگٰ

ھوش وا مئ بورتہ ماھیں گلانی دردانگٰ

سازیتگ شاہٰ چو أشرفی پہک ایں چانگٰ

داب کنت مہرنگ پہ اے بیوسیں دلٕ مانگٰ

دل وا گوش إیت دائم بہ نیند گُلندام پانگٰ

بلہ کئے سرپد کنت  اے  پہوال ایں دیوانگٰ

انگار نہ کنت عاشقی قصہانی وانگ ؤزانگٰ

شـــــاعـــــر  آسٍـــــکانی بلـــــوچ وتیـــــــں 

بالاد مئ ھچ گواتٰ نہ شورینتگ

بالاد مئ ھچ گواتٰ نہ شورینتگ

ڈیل منی ھچ شیرا نہ بورینتگ

آ ھما وھد أت کہ گوات سرا وش أت

مرکباں تروند ایں بؤر أؤن تاچینتگ

چہ ھما ھمنشینانی طفل ایں دیوانٰ

وشدل ؤ وشنام زند ایں گوازیتگ

گُل گہیبانی ھما گِرد سریں کاڑاں

نإشت أنت نزیکٰ گون دُتکیں شالان

پہن شینگ بیت أنت دیما مئ تالاں

ڈیلٰ مئ زانت أنت ؤ إبلیسی چالاں

بیا منی قاصد گوں نقرہ ایں بالاں

مھوشین مئ ماھرنگٰ بدئے حالاں

نیست وفاء اے دھرءِ کساں سالاں

دستی نقش دوچ این پلیوار ؤجالاں

کہ پیسرا چار أنت تی کیسگ مالاں

چینچوک ایں قیمت مسقطی شالاں

تؤ قید مکن زندا گوں شیطان چالاں

مرد وتٰ پھریز چہ اے زمانئگِ زالاں

تؤ بگوش آسکانی وتئ نُقرہین گالاں

پیر کسان گوں دراھیں ماہ گؤر لالاں

شـــاعـــر آســـکانی بلــــوچ وتیــــــں

چو گوشاں ماھرنگیں پری ماتٰ

چو گوشاں مہرنگ ایں پری ماتٰ

 زاناں جہنمِ بیرءِ چہ قہر ؤظلماتٰ

لگیت ترا ونگٰ ماں پراھیں پہناتٰ

کپتگ ئے ھمءِ دنیاءِ مطلبٕ چاتٰ

پر وتئ جیندٕ حسّد ؤخواھشاتٰ

زر ڈلٰ ریچ ئے پہ بند ؤ تعویذاتٰ

چو نہیں بانوک کہ نشتگ کلاتٰ

سک منا بژنیں تئ جیند شاھاتٰ

یاد نبئے پیسری دھرانی نبیراتٰ

ساہ وتئ داشتہ پہ زار ؤ فریاتٰ

عادت ئے دائم پہ جنگُ ؤصلواتٰ

حتماًں نکرزئے پہ پُلیں سؤگواتٰ

پہڈ بندئے پہ وتئ ننگیں زاماتٰ

وت دلٰ ساڈائے وتئ ذات ذریاتٰ

ھچ نہ تُورس ئے چہ ٹیہ شہماتٰ

کہ فایدہ نیست ایں گُڈی ھیہاتٰ

چوں ترا کیتیں عیب پوت شاتٰ

کرد کِار دراھیں چو زال خیراتٰ

جُوست بکن مکران یلیں براتٰ

راجٕ چم سُہر گوں پُلوکیں ذاتٰ

تؤ شگان نإشتگ پہ وھد بانداتٰ

ظاھر أنت حیلہ چہ تئ شبیہاتٰ

نیں ترا أخلاق مثل چہ وت ذاتٰ

نئے مہر پہ قول مہمان حساباتٰ

ھچ نچارئے تؤ سیاد ؤ وت براتٰ

چہر وارتہ ھوشٰ پہ مطلبٕ ماتٰ

تُور واران ئے چو لوڈوکیں گواتٰ

زاناں کہ گِپتگ ئے پیرین کرامات

راج دوستی ھوشٰ تؤ زبہر وارتہ

ھست ترا بیہءِ چہ گَندھیں ذات

دیم پہ دیم ئے گوں کُلیں ساواتٰ

چالاک ئے مثل چو خالیگیں پاتٰ

اے چہ جودءِ پہ صبر ؤ برداشتٰ

کہ ھور إیں گوں تؤ دنیای مہماتٰ

بلہ سک تُرساں وش میاتک لاتٰ

کہ دؤردات آخر جُہل بُنیں چاتٰ

شــاعـر آسـکانی بلــوچ وتیـــں 

نشتگان مرچی یک گؤرءِ کرسئٕ سرا

نشتگان مرچی من یک گؤرءِ کرسی ی سرا

فکر اندوھاں منا گیر کوتہ دراھیں ھر گورا

بُست کوتہ من چہ نشتگیں کرسیٕ ی سرا

یک دمءِ فکر أؤں کوت وتئ موجیں خاطرا

دلگوش أؤں ترینت گوں وتئ شاھیں قادرا

بزان کہ سجدہ زیب آیت مئ خداوند اکبرا

اے خدا تئ جیند مالکیں دراہیں دنیاء سرا

ھوشک تر تؤ وت جوڈ کوتہ دراہیں ھرگؤرا

وشدلیءِ بیار پہ کلیں جین ؤ انسانان یکبرا

برکتء تؤ مان کن کل مسلمان پراھیں پترا

شـــاعـــــر آســـــکانی بلــــــوچ وتیــــــــں

ھر کسٰ توفيق دات منی رب العالمین

ھر کسءِ توفیق دات منی رب العالمین

کلمہٰ إقرار کنت ماں دلٰ پہ صدق یقین

دین إسلامٰ سرجمٰ دراھیں کنت قبول

چہ نیمگٰ ربٕ ھرچیکہ ایر آتکہ نزول

وئیل کنت گپ ؤ کرداراں ھم نشینانی

ھرچیکہ ھست دراھیں درست فضول

شاعر آسکانی بلوچ وتیں

جہد کن آسکانی کہ عمر تئ بالئیگ ایں

جہد کن آسکانی کہ عمر تئ بالیگ ایں

اگاں کُلٕ ماھلینج تئ چاردہ سالیگ ایں

بلہ سیاہ تہار ماہیں قبرٕ تئ خالیگ ایں

ملکموت تئ نزیک چو گوش والیگ ایں

گوڑا دل تئ زنگ گپتہ ؤ صفا ائیگ ایں

گوں شیطان ایں وسواساں لڑائیگ ایں

بزانکہ إسلام آساں ؤ ھم کمای إئیگ ایں

چہ حکمتِ ایں کاراں ھوش ھمایگ ایں

عاقل گوں ھوشٰ ؤ زانتی شاہ إئیگ ایں

گوڑا پہ دین ؤ إسلامٰ دائم راہ إئیگ ایں

مسلمان ماں مسیتٰ دریای ماھیگ ایں

وھدءِ در کپیت ڈنٰ بزان بہاء إئیگ ایں

شــــاعـــر آســــکانی بلـــــوچ وتیــــــں

چئ گوشاں مھرنگیں پری زادا

چئ گوشاں من ماھرنگیں پری زادا.

کہ قولئیگ باں پہ مہربان گُلیں دادا.

گوادگِرا نشتاں ؤدل گوش ایت پادا.

دل منی دوز إت ماھلینج ایں سیادا.

پہ گپ رپ بچکنداں ؤ سرشپٕ نیادا.

چو جمبڑاں  ھؤری  لوڈوک ایں  بادا.

نوں چہر وران بوتاں چوگروک رعدا.

سئیل کوت أنت حور ماں باغ شدادا.

کیچ ؤ پنجگور قصرقند چابہار آزادا.

زاھدان خاش باغ سرباز سبزیں آبادا.

بزاں نیست گُلٕ درؤر ماں باغیں  آبادا.

ماں حور  ؤ  کاڑانی  سبزیں  سر شادا.

نوں اے خدا إشکون مئ بزگین فریادا.

کہ پر ما مرحمت کن  وتئ گل ایں دادا.

شاعــر آســــــکانی بلـــــوچ  وتیـــــــں

گؤشاں گالءِ وتئ گونڈیں خیالٰ

گوشان گالءِ وتئ گونڈیں خیالٰ

بہ بیت بورز مثل چو کیچٕ چنالٰ

تؤ مبو امراہ کدی گوں کار زوالٰ

زوال کنت تئ سرٕ پہک گنج مالٰ

گؤج ایت بون بیہا تئ جندٕ نہالٰ

بچار اول وتئ بدبخت ایں حالٰ

دران ڈیھ بیتگ ائے بدواہ چالٰ

نداریت گوش کسءِ جند چیہالٰ

بزاں پشت کپتہ عمرمئ کمٕءِ سالٰ

بلہ نبشتؤں چندءِ گال لوگٕ دیوالٰ

خداوند تؤ دور بکن مئ اے أوبال

بیار مئ وھدیگُ ؤ پیشیگیں حالٰ

شِـاعــر: آســکانی بلــوچ وتیــــں 

تر کن وتئ زبانٰ بہ ذکر سبحانٰ

گونڈل تر کن زبان پہ ذکر سبحانٰ

لائک ایں تؤصیف پہ خالق شانٰ

بالادیں شانی چہ دراھیں جہانٰ

ارواحی بخش إت پہ کلین انسانٰ

مرغ مور ؤ ماھی ابلیس شیطانٰ

کافر ؤ گبر ھندو کل درھیں جانٰ

ھر کسءِ کلمہ ونتگ پر وتئ زبانٰ

بزانکہ جنتِٰ بخشیت یکبرءِ إشانٰ

خدا ہدایت دئے مئ نکسیں ایمانٰ

کہ نیستیں ھاٹیگ ماں جہنم جانٰ

پترا چیئر گیج مئ بہشت گلدانٰ

عاقبتٰ ھور کن گوں محمد دیوانٰ

شــاعــر آسـکانی بلــوچ وتیــں

عیدکم مبارک