تاب کنت ملگورا جنیک ماھیں
سنج کنت جؤ مستٰ نقیب سیاھیں
تیغ سپاہ دار ؤ مع کمندائیں
بلہ توفکٕ داروکٰ تمنائیں
مھرنگ چہاردھی ماہِ کپ.
زھریں ؤ نہ جنت گوں من گپ.
ملا فاضل.
...........................................................
روچٰ گر کوتہ ھنچو شپ.
زندا بے ترا نیست ایں نپ.
وھدء یاد بنت تئی گپ ؤ رپ.
آسکی گردن ؤ دُرجین دپ.
دوستی بیتہ مئ دراھیں چپ
دوشی بیتگاں دراھیں تپ.
میر بلوچ ایں کہ زھرا جوشانیں
ظاھرا دپ قند ؤ زھرا نوشانیں
دشمنان پاد مال ؤ فروشانیں
کینگ ؤ کستٰ ھستٰ دروشانیں
دشمن پاد ترپ تواری گوشانیں
پہ ظالماں سیاہ سلیں ریشانیں
نامرد نشتہ گوں زندا پریشانیں
کودک نادان چم جہلیں میشانیں
گوشئے چہ نمرود قوم خویشانیں
جاہ نئیت زھگ قوم درویشانیں
بلہ مرحبا صد بار مئ بلوچانیں
چو وشدلٰ نشتگ فکرا سوچانیں
دشمنان ھر وھد دِرّ ؤ دوچانیں
دیم پہ ھما أمید وشیں روچانیں
اگاں مردم چہ أصل قوم پیشانیں
گڑا باطنٰ ذکر ؤ فکری پہ نیشانیں
شکریں خدایٰ کہ ما چہ بلوچانیں
فکر دنیا مئ یک چہونڈوک نانیں
آســـــکانی بلــــــوچ وتیــــــں
...........................................................
