شنبہ روچیں پی گوشگ آدینگ نبیت

شنبہ روچیں پہ گوشگ  ھچبر آدینگ نبیت

کوشت  کوش نامرد ساہ تئی رکینئگ نبیت

ناکونٰ دستٕ فولادیں گُلزمیں ھارینگ نبیت

مئی بلوچ  قومٕ  عقل پہ جت چارینگ نبیت

چابوک تئی دستٕ شیپ شاپ سیہمار نبیت

اے بلوچستان ایں پہ مرئگ ھچبر وار نبیت

ظلم  زوراکاں ھچ  وڑیں اثر تاں آخرا  نبیت

حق یک  میراثءِ  کہ  عاقبت  آی  گارٕ  نبیت

روچ ٹیک بانداتیں پہ تُرس  فوج تہار نبیت

پوہ ببؤ ھوشمند کہ دُژمن تئی رھچار نبیت

راج مئی عقلمندیں  ھچبر دژمنٕ مھار نبیت

من دلٰ  جزماں کہ راجی جھد  بے کار نبیت

اصلی اسلامٰ گوں زال بولٰ ھچ کارٕدار نبیت

حیاء یک ترمپٕ آپیں لیڈوءِ ھچبر  بار نبیت

بس کن آسکانی تئی گفتاراں کس سار نبیت

گاڑي  دؤر ایں  تئی مھریگٰ کس سوار نبیت

چی گوشاں من پہ بیوسیں جیندا

چی گوشاں من پہ بیوسیں جیندا

بلہ  اے دنیاء تہاریں پر منی گیندا

دیمپان بیت گین تئی  راج  بانداتٰ

بے عشرت ؤ عیش  اے دنیای زندا

صد مرحبا باتیں بانوک تئی جیندا

توصیف کرز ایت تئی جہد ھمبندا

مئی  بلوچستان  کلیں راجٕ چاگردا

مرچی دنز ؤملوریں چابہار ھمبندا

باغیں سرباز  زاھدان تاں قصرقندا

سراوان پنجگور گوں پیشین  مندا

تؤ نمیران ائے تاں جہاں ھست ایں

شاد ؤآسودگ بات ائے جنت جیندا

شاعر آسکانی بلوچ  وتیں. 

 

من گراں شکرا خالقٰ تاکین

 من  گراں  شکر  چہ  خالقٰ  تاکین

حاجتاں چہ دراھیں آی بے باکین

فکر کنت انسان کہ بوری تچاکین

دراہیں انسان جاگہ آخری خاکین

دنیا چکاسءِ کہ مشکل ریچاکین

لوٹت اللّہٰ  مشکل درتگ ؤ چاکین

 نوں من کناں ھمت پہ اللِہٰ پاکین

ھر چی مئی جیندٕ  قدرت  واکین

رب  وتیں کار ساز مشکلاں گرانین

اے امتحان انت پہ بندواں جوانین

رب دربارا مئی اے کار انت آسانین

بیوسٕ مدت ؤ کار ربٕ وتئی شانین

بس کن  اؤ بیوس گریوگ تئی کاریں

دوستاں تئی گوشتہ کہ ما ترا چاریں

چیا  غماں گرانیں  ھوش  تئی  گاریں

بے اُمیدیں  شیطانٕ  مھریگٰ  سواریں

اللّہ رحمتاں گورتگ  کل زمین ھاریں

مؤمناں  ھر جاگہ  سئیل   ؤ   بازاریں

شاعر آسکانی بلوچ وتیں

دل گنوکین ؤ گِرّ بادین ایت

دل گنوکیں مئی گِرّ بادین ایت

بے گلٕ   دیدارا   نہ   مرّین  ایت

کُل   خیالانی    باطنٰ    تَر   ایت

سجہین کونڈانؤں چکرّین ایت

ماھلینج  اندوھان نیندین  ایت

ھوش آھونڈا  مئیگ  پَرّین ایت

شاعر آسکانی بلوچ وتیں

تؤ روائے سئیلٰ گلی من گون باتاں

 تؤ  روائے  سئیلٰ  گلی  من  گون  باتاں

تؤ  گلابٕ  پُل  ؤ دائمٰ بُلبل من بہ باتاں

تؤ چیا چو بیوس ائے گُل من مہ باتاں

وھدیکہ تؤ گیمران ائے گڑا من مراتاں

باغ  ؤ بوستان چو  ھنارا  پُل  بات ائے

گُل تئی گورٕ  پُلیں ھنارا من بؤ چناتاں

گپ رپ ترانٰ گون بچکنداں گلی تئی

لذتٰ سُھر ؤ تنکیں لونٹاں تئی گراتاں

شاعر آسکانی بلوچ وتیں 

مروچی جمبراں گورتہ دمانءِ

 .

مروچی  جمبراں   گورتگ   دمانءِ

زمینٰ کش إتگ سنج  ؤ  تیر کمانءِ

شبابٕ  موسم  إنت  ؤ دلبر  جوانءِ

گوں رنگ ؤ صورت وسرینٰ کمانءِ

سرا  گِرد إین ؤ مھرنگ  گُل نشانءِ

کپوتی لڈوک إین ؤ طوطی لسانءِ

خیالا مئی گوش ائے عاشق گُمانءِ

پر  بچکند قید  کنت  ھوشٰ دمانءِ

شـــاعـــر آسٍـــکانی بلـــوچ وتیــں

من نینداں غمانی پترا

من نینداں  غمانی  پترا

وھدءِ کہ  گینداں دیگرا

سوچاں  شیطان  لشکرا

من پیچاں غمانی دفترا

شکر  گراں  یا   رب    ترا

شاہ زانت ؤ  کُلیں گہترا

عزت  تؤ دات  اے  بزگرا

بے  گنجٰ  دروگ  ؤ  منترا

ھاریں  زبان  چو  مھترا

چار بچ  گوں پُلیں چترا

برات ؤ گوھار بے درورا

سیاد کس قوم ھر گورا

نا شکر نہاں رب  چہ ترا

سُجدہ کناں ھر وھد ترا

گیشتر عطاء کن تو مرا

صدق  یقیں سر  ظاھرا

شود بد گُمان ایں باطنٰ

گوں آپ زُم  زُم  اے  برا

ھنچوش پت ماتٰ  منی

شہادتٰ نصیب کن آخرا

شاعر آسکانی بلوچ وتیں

سلام ؤ دراھی پہ شما بات

گوڈ مونینگ، السلام علیکم، ھندی نمستہ، بلوچی، دراہ ؤ سلامتی،  پُلیں مکران گوں

 گلیں فیسبوک  کُل ھمبل دوست ؤ عزیزاں 

مروچیگ ایں روچٰ  تؤ شیطان کٹیتگ

شیطانٰ وتا گوں چیڈ خاکاں پونڈیتگ

حتماں تؤ  واجہ ابلیس گپ نہ منیتگ

مسجد  راہٰ گوں دوئیں دستاں ملیتگ

تؤ چیا چو  شیطان ننگ  آبرو کشیتگ

شوتگ ائے   مسجدا  ترا  ملایٰ  بڈیتگ

گڑا  حتماں تئی کرد  ؤ کار ھم  مٹیتگ

دلجم بائے خداوندا ھوں ترا بخشیتگ

 ما ھم رب درگاہٰ  وتئی سُستی منیتگ

گریت  پٹینت  ؤ  امان چہ آسٰ لوٹیتگ

شاعر آسکانی بلوچ وتیں دائمٰ بیوسیں

پہ چم  ظاھرا  گوش ائے نئے  بے کسیں

بلہ درانڈیھ ایں پہ چونڈءِ نانٰ تلوسیں

مُلکٰ مال ؤ متاھی یک دانگوکءِ پسیں

چی بکنت غریب ناتوان  بے دسترسیں

 بلہ امید پہ خدا کہ آی ھر کسی کسیں

باز وشیں مھرنگ بلوچی دوچ

 سک باز وشین مھرنگ  بلوچی دوچ

دل گوش ایت گورائے کن  بکن کوچ

برو ھما ملکٰ کہ در نئیت ھچبر روچ

نوں  دل  سئیر  آتکہ اے شہرا بسوچ

کہ اے دیارا  ھچ نیست ترپ ؤ موچ

بارین کجا ملکٰ درکئیت وشین روچ

بارین تو چی گوش ائے بلوچی دوچ

یا ھرکجا مئی بختٰ وش نبیت روچ

شاعر میر سردار واجہ آسکانی خان

مرچی غریبی بدل بوت  پہ میرجان

مئی دلٰ شما دراہیں بلوچ استٕ خان

منا ھمٕ وڑا دوست ات چو  منی جان

بلہ نزاناں باریں شمارا کمءِ وفاء مان

یا مفتٰ دل سیاھان شمارا کنان جان

مرداں مال ؤ دنیایٰ عزت ؤ آبروکٹّیتگ

مرداں عزت ؤ آبرو مال ؤدنیایٰ چٹّیتگ

مرد ٹہل بنداں میشٕ چم  جہلی منّیتگ

شیطان فوجٰ  چو گندہ ایں لاگٰ گَرّیتگ

بزانکہ آخرٕ کارا  شیطانٰ  گوازی کٹّیتگ

گوالگءِ  آسی  مرد  مسکین ائے  لڈّیتگ

سجھین عمرا بزاں مردا اے بار پُجّیتگ

مال اگاں دوستیں بلہ کئیا آبرو مٹّینتگ

اے وڑا کہ تؤ پہ دنیاءٰ وتی آبرو کشّیتگ

جنت  مُفتٰ  نہیں  ایمانٰ غریبی سگّیتگ

پمشکٰ رب پاکٰ  مؤمناں جنت بخشّیتگ

تیز برو آسکانی تؤ چیا اے دنیاءٰ جلّیتگ

دعوت ایں رب ائے ھر کسٰ جنت کٹّیتگ

شاعر آسکانی بلوچ ملنگ پاد شُپاد وتیں

بیا گلیں قاصد مئی گپاں دلگوش کن

بیا گلیں قاصد مئی گپان دلگوش  کن

مئی  گورا  نیند  ؤ  تؤ  سرا  ھوش  کن

من  رید  کنان  لہتءِ   گال  قلم   کشین

باندات بامگواہٰ  تؤ  چدا  قاصد حیز کن

بدواہٕ دراھیں تو کل ملکان سر گوز کن

اے چاریں  گالبنداں  تؤ   مکرانٰ سر کن

مئی پل ایں سردارا تؤ شر شر دیدار کن

بگوش مارا چہ اے اندوہ ؤ غماں در کن

چو سپاھی ؤ راھزناں مئی ڈیھ دراھیں

وتئی دلٕ چماں مئی سردار شرّيٰ پچ کن

دست  تئی لوک ؤ آستوگ تئی گونڈ انت

گڑا  مکران نوجوانان دراھیں سرجم کن

گلزمین  باھوٹ  ؤ  وتا  کوہ  سرٕ مرد کن

مرد تؤ تولگاں گلین ؤ شیراں دعوت کن

مارا  پیش  دار  وتئی  تؤ   مردي  نشانیٰ

گار ؤ گَمسار  کن مئی دراھیں  بد گُمانیٰ

بزانیں مارا ھست ایں غموارءِ درجوانیٰ

تاں آسودگ بئیں کلٰ گون دوست جانیٰ

شاعر آسکانی فقیر دریتہ گودیں سیٹھ

من ترا دوست داشتہ دلٕ توکٰ

دلبر من ترا دوست داشتہ  دلٕ توک
یا  خدا  توبہ  چہ اے مئی دلٕ سوکٰ

اے زیادھیں محبت تئی دلٰ بہ موکٰ
وھدءِ داب کنت مہرنگ چو ماہ نوکٰ

گوش ائےتیر لگ ایت مئی دلٕ بندوکٰ
نزاناں چہ فیصلہ کناں گوں چم روکٰ

دل گوش ایت بہ دُزی چو چُک بروکٰ
بلہ  مارا  ترس ایت  چہ  مخلوق ٹوکٰ

آئیا ھچ ھوس نیستیں مثل چو گوکٰ
دائمٰ  گردش ؤ سئیلٰ رؤتیں پہ شوکٰ

شاعر بئید من وت دگہ کئے بیت کنت.
🤭🤭🤫