وھدءِ کہ بیگاہٰ شپ اومان کنت

وھدءِ  کہ بیگاہٰ  شپ  اومان  کنت

مھرنگ وتا عطر ؤ زباد مالان  کنت

کُلٰ چہ ڈن چو سیسوگٰ  لُڈاں بیت

گڑا  شپ  چہاردھی  چوگان   بیت

موسم بدل ایت ؤ دل نوجوان بیت

غمیگین دل پدا وشدل شادان بیت

شاعر آسکانی بلوچ وتئی جیندیں.

گلیں وشاتک قمر اللیلٰ اول حولٰ کٹ إتگ

گلیں وشاتک  قمر اللیلٰ اول حولٰ کٹّ إتگ

اول گیندا چمی ولا گل چماں گوں ڈُکّ إتگ

ھماحینا  گُلٕ  پُلٰ دلٰ موج إیں مئی لگ إتگ

دلٰ نادان  گنوکیں مئی گُل دوستی منّ إتگ

گُل أوصاف تہاریں شپ چاردہ ماہٰ کشّ إتگ

غم اندوہ آسیگ إیں دل گلٰ مہرگیش لڈِإتگ

ھر وڑیں ٹوک شگاں گلندام خاطرا سگ إتگ

دمانءِ گیند نیندا گلندامٰ بہار زندا سنج إتگ

بس کن آسکوک اےمہر کئیا باریں سمج إتگ

گدءِ چادر حریر پاک إیں گَلِ جانٰ پوش إتگ

شــاعـر آسکانی بلـــوچ کونٹگیں پَل وتیــــں

🤭🤔💪👌👏🌺

شیر گرک وروباہ

بُنیادگپ : ھوشمند ؤ پہوالیں گپ.

سرحال َ ءِ اگاں ھر جاہ لگ إتگ زیر پر بیت شر ؤ پر نہ بیت شر بزاں پہ چیزءِ یا وھدءِ نا معلوم ؤ نا مشخصیں دلالت کنت.

بزانکہ آسکانی اے حرفٰ ءِ فعل مجہول حساب کنت ؤ کارمرز کنت.

بلہ او بلے دوئیں جوان أنت ھل قصه...... 

مزنیں دیوان و درگاھاں پہوالیں گپ  و دگرِ شکایت کنئگِ نتیجہ پہ وت سر درد و مُصیبت جوڈ کنئگ إنت.

یکبرءِ پادشاہ جنگل نِزور بوت چہ شکارا عاجز بوت ماں غارء وپت وتئے نادراہ کوت  تانکہ چہ وڑا آی لاپ سئیر و پزور بہ بیت.

گوڑا دراھیں جنگل جانور آتک ؤ پادشاہ اش دیدار گیندی کوت او پادشاہٰ شکار کوت ؤ وارت أنت وھدءِ کہ ھونڈ تھ شوت أنت،  و مُلا روباہ سہیگ ھوں بوت ؤ شوت پہ پادشاہ دیدارا، بلہ وھدء کہ دیستی بازیں جانورء پد ھست کہ ماں غارا شوتگ أنت بلہ واترا ھچ خبرء نیست او پد و نشان واتر کنئگ أئے نیست و ھونڈ دپٰ بازیں ھڈ و پانکلگء ریتکئگ.

چہ دورا ملا روباہٰ پادشاہ جنگلٰ سلامء دات و شیرا پسو دات و گوشتی واجہ مُلا وشاتک ائے بیا بفرما ھونڈ تہا، مُلایٰ پسو گردإینت کہ واجہ سلامت بات ائے چوشکہ من گینداں ھر کس کہ ھونڈ توکٰ آتکہ پدا واتر نبیتگ..

وھد گوست ؤ شیر آپ ؤ لاپ بیت ؤ دراہ بیت.

گڑا وت و گُرکٰ امراہ بوت و پہ شکارا شوت أنت کہ گُرکٰ روباہ شکایت کوت کہ واجہ تو نادراہ بیتگ ائے ما درستاں آتکہ ترا گیندوک کوتہ بس مُلا روباہ نیاتکہ ترا گیندوک نکوتہ.

شیرا گوں گُرکٰ گوشت وھدء روباہ کأیت منا اشارہ بکن کہ من تئی گپان ترانگ بہ کپاں،

ھر کس وتئی کمزوری ؤ دشمن زانت، روباہٰ زانت کہ گُرک گوں شیرا امراہ بیتگ ھردوک پہ شکارا شوتگ أنت زاناں کہ گُرک منی شکایت کوتہ پرچیا کہ ھر کس وتئی طرف دارا فجاہ کاریت.

گوڑا روباہ آتک ؤ گُرکٰ شیر اشارہ کوت کہ واجہ روباہ حاضر بیتگ،

شیرا سر چست کوت و گوں ملا روباہٰ مخاطب بوت و سوالی کوت کہ واجہ تو کجا گار بیتگ ائے،

ملایٰ پسو دات کہ واجہ من تئی درمان شوھازا بیتگاں، گوڑا شیرا گوشت کہ تو چونیں درمان پہ من آرتگ و شوھاز کوتگ.

روباہٰ پسو دات کہ بلہ واجہ تئی دراھي درمان گُرگِ راستی پادِ ھڈِ مچگ إین.

شیرا جت چامپولء گُرکٰ او راستی پادی پروشت و مچگی کش إت ؤ وارت.

روباہ شوت گُرکِ راہ دیمٰ کسانیں جُمپء سرا اوشتات، و گُرکِ پاد فروشتگ أت و لنگ جنان خون ریچان  و جہلاد أت،

ملا روباہٰ سلامء دات کہ... واجہ سُہریں موزگ صاحب تو چون ائے وھدء کہ مزنیں درباراں نیندئے سرا پہ ھوش کن و گپ کن.

رجانک و ترینوک آسکانی بلوچ.

من چاکرا میرءِ کناں بلہ چاکر بونی درزادگءِ

من چاکرا  میرء کنان  بلہ چاکر  بُون ی درازادگءِ
من میرا کناں درزادگءِ بلہ آی چہ بُونا خانوادگءِ

ظلم تو مکن ایردست سرا کہ آی ھاوندٕ اوبادگءِ
گران بار مکن لاغٰ کسی کہ بے زبانیں چار پادگءِ

چاتٰ دور مدئے آسکانیٰ کہ آی فبیھ إیں سادگءِ
مہریگ ندارإیت تیز رویں سواری بہانیں مادگءِ

دلپروش  مبو  دلبر گلیں  کایاں چہ سربازی شمءِ
تہنا نہاں گونیں کسءِ دلجم  بوں حتماں محرمءِ

وپس ئے کدی آسکانی تو پیداگیں بانداتی شپءِ
شپ واب ؤ روچٰ زندگی پر ھرانسانٰ جزماں نپءِ

چماں ببوٹ ؤبند کن دپٰ کم إیں خبر ھوشٰ نپءِ
ھر  وھد جؤڈگ چو تپٰ ھوش ناقصیں مردٕ گپءِ

گالبند  دُرھیں  پہ عاقلان  سرپد بیئگ آساں نہیں
ھوشمند ؤ شاہ زانت عاقلیں اُستادیٰ  چوک نہیں

آسکانی بلوچ وتیں رپٹوک ؤ نبیسوک

اے من وت بیتگاں
🤭🤔👏💪

مروچی جمبراں گورتگ دمانءِ

مروچی  جمبران  گورتگ   دمانءِ

زمینٰ کش إتگ سنج ؤ  تیر کمانءِ

شابٕ  موسم  إنت  ؤ  دلبر  جوانءِ

گوں رنگ ؤ صورت وسرینٰ کمانءِ

سرا  گِرد إین ؤ مھرنگ  گُل نشانءِ

کپوتی لڈوک إین ؤ طوطی لسانءِ

خیالا مئی گوش ائے عاشق گُمانءِ

پر  بچکند قید  کنت  ھوشٰ دمانءِ

شـــاعـــر آسٍـــکانی بلـــوچ وتیــں

بنیادگپ لقمان حکیم ؤ شاہ زانت ی

بنیادگپ: لقمان حکیم شاہ زانت

بیت یک روچءِ ؤ یک روزگارءِ کہ چہ روم پادشاھاں یکبرءِ یکءِ نادراہ بیت

ملت ؤ آی ریئتٰ گوں سیاد ؤ زھگاں باز جھد کوت ؤ دراھیں ملکانی شریں نادراہ جاھاں بورت ؤ پیش داشت ؤ دواء درمان إش کوت بلہ انگہ بدتر بوت ؤ دراہ نبوت

گڑا پادشاہٰ گوں وتئی دوستواھان گوشت کہ یک دکترءِ طبیعی انگہ پشت کپتگ اگہ آئیا ھوں منا دراہ کوت نکوت گڑا بئید چہ موتٰ منا دگہ درمان ؤ دارگ نیست.

وھدءِ پادشاہٰ گڑا أمر دات کہ منا برإت پانگ لقمان حکیم بلکہ منی دواء ھمای کرا درأیت

پادشاہ إش بورت لقمان حکیم گورا بلہ وھدءِ کہ لقمان حکیم دروازگ دپٰ پادشاہ ظاھر بیت

لقمان حکیم دراینت ؤ گوشت کہ واجہ ترا دواء

پادشاہٰ چارإت کہ وھدءِ منی علاج إشی کرا نیست گڑا منی علاج موت إین ؤ گہتر ھمش إیں کہ چہ اے رسوائیٰ کہ من ھنوں زندگاں مرگ گہتریں کہ من کنئگایاں کہ پہ قضاء حاجت ؤ نیند ؤ پادایءِ من بڈ ؤ سڈ لوٹاں

 گڑا پادشاہٰ أمر دات کہ منا برإت گورستانٰ یعنی کہ قبرستانٰ بلی مراں ؤ بل کہ مردم آسودگ بنت چہ منی دلسیاھیان کسٰ دلسیاہ نکناں

مردمان بورت ؤ گورستانٰ دؤر دات مطلب إیرش کوت

دئیر وھد نگوست ؤ جمبڑءِ ظاھر بوت ؤ ھؤرا گوارگ بندات  ؤ شروع کوت پادشاہٰ فکر کوت کہ نوں حتماں منا ھؤر کوش إیت، بلہ ھؤرا گورت ؤ خلاص بوت مردا چارإت من نہ مورتاں

پدا دئیر وھد نگوست ؤ یک برمش ؤ آوازءِ شروع بیت مردا چک ترإینت و چارإت دیست ی یک سیاہ مارءِ دیم پہ ھمای پیداگیں گڑا فکری کوت کہ ھؤرا منا نہ کوشت بلہ سیاہ مار نوں منا کوش إیت

سیاہ مار آیان بیت لھم لھمٰ ؤ آستہ آستہ مرد گورا کہ مرد دو گورٕ میانجیٰ کپتگ ؤ وپتگ أت سُرگ ی نھ أت

سیاہ مار آتک نزیکٰ مردی ھچ کار نداشت ؤ ھمای کرا یک کوھنیں گورءِ ھست أت کہ پور آپ آت  ؤ یک دئیریگیں مردم ی سر کلہءِ ھما آپانی سرا سر ترپل أت ؤ کمءِ ھؤری آپ ھوں آی تہا ھست أت کہ ھؤرا گورتگ أت

مرد ندارہ کنئگٰ أت کہ سیاہ مار شوت ھمودا ھما سرکلہ تہا شانت ؤ شوت

مردا چارإت کلامٰ گپت سیاہ مارا ھوں منا ڈنگ نہ جت ؤ ھچ نہ کوت گڑا دگہ راہ ؤ در نیست گہتر ھمش إیں کہ چہ ھما سر کلہ تھ آپان کم وران کہ سیاہ مار زھر ھور ؤ اوار أنت نوں حتماں جان چوت إیت مرآں

مرد نادراہ أت ؤ سُرگی نھ أت بلہ پزور کینزاں بیت ؤ شوت چہ ھما سر کلہ تھ آپاں یک تینگءِ گپت ؤ وارت ی 

یک گلومبءِ ورگٰ پد دو ملٹ گوست ؤ مردا إحساس بیت کہ گہتریں چہ نادراھیٰ پاد آتک ؤ نشت

پدا دگہ گلومبءِ وارت ی ؤ دو ملٹٰ پد مرد پاد آتک ؤ اُشتات مرد حیران بیت ؤ دگہ گلومبءِ وارت ی مطلب سئ گلومبٰ پد مردا گام جنئگ بندات کوت. 

پدا ھما مردم کہ اے واجکارش آرتگ ؤ دؤر داتگ  أت گورستانٰ دری راینت کہ واجہاں برأینوں کہ نوں زانیں مئی نادراہ بیران بوتگ  کاریں کئل ؤ گوری کنیں

گڑا لشکر رمب إت ؤ آتک گیند أنت کہ نادراہ دراھین و گام جنئگای إیں حیران بوت أنت مردا وتئی قصہ ی گوشت ؤ پدا إزراری کوت کہ منا برإت لقمان حکیم گورا او سک چہ زھرا پورأت کہ چطؤ لقمان حکیم گوشت تئی علاج نیست من دراہ بیتاں

وھدءِ کہ شوت لقمان حکیم گورا گڑا مردا گوشت 

گون لقمان حکیم کہ تو گوشتگ ترا علاج نیست

لقمان حکیم پسو دات کہ تؤ سیاہ ماری زھر ؤ ھؤری آپ وارتہ اے ھر دو منی گورا نیست أنت

مردا چارإت راست گوش إیت پسوی دات واقعی تؤ حکیمی أئے. 

شوھاز و پولکار

آسکانی بلوچ وتیں 

بیای إت دیوانٰ کہ اے بلوچ راجیں

بیای إت دیوانٰ کہ اے بلوچ راجیں

مئیگ شم ائے درستانی سرٕ  تاجیں

إدا گپ رپ ؤ قصہ چو نمک  وادیں

بے بلوچ راجٰ بزانکہ دیوان بے تامیں

بے وسیں مردم  حتماں  بے سیادیں

بلہ مارا چہ سر گوستٰ  وتئی یادیں

جنگ پیکار ؤ  ھؤر ؤ جمبڑ ؤ رعدیں

قسمتٰ مئیگٰ ڈنگ سیاہ مار کرادیں

گوات مروچ گیابانٰ پیتکوک ؤ بادیں

شر بہ تچ واجہ  زور گوں تئی پادیں

بیا نیند ھمودا کہ مھرنگ مئی وابیں

ھمودا وعدہ ؤگیند مئیگ تئی نیادیں

بوست کنت مھرنگ مئی غَل ؤشادیں

گڑا  وپتہ  واب  مئی  تئی  کُلِ  نپادیں

بس کن آسکانی غم اندوہ تئی شامیں

جیند  درانڈیھ  ؤ  زند  مئی  گُم نامیں

شـاعـر آسـکانی بلـوچ

بنیادگپ حال زانت سرگذشت ؤ باندات

بنیادگپ. حال زانت سرگذشت ؤ بانداتٕ

بیت یک روچءِ ؤ روزگارءِ بیت دو برات یکءِ  سئی مردیں چوک بیت ؤ یکءِ یک جنین چوکءِ،

گڑا ھر سئیں بچیک وتئی پتٰ گوش أنت کہ مارا وتئی برات زامات کن، او پت  چوکانی پسوا دات ؤ گوش إیت چوکاں شما سئی إت ؤ شم أئے ناکوزاتک یکء گڑا شما بروإت وتئی ناکوگ کِرا آئ وت شم أئے فیصلہٰ کنت.

گڑا ھر سئیں بچیک روأنت وتئی ناکوگ گورا کہ مارا زامات بہ کنت.

اشانی ناکوگ وتئی ھر سئیں براتزاتکاں گوش إیت کہ شما بروإت کار کن إت ؤ دہ سالٰ چہ پد بیای إت من چاراں ھر کسٰ شرتریں کار کوت گڑا ھمائ منی زاماتیں.

اے ھر سئیں برات أمراہ بیت ؤ شوت أنت تاں یک جاہءِ کہ راہ پہ سئ جاہٰ گیش إت ؤ بہر بیت،

گڑا ھر سئیں براتاں ھمدا وعدہ ؤ بوجی کوت فیصلہ بیت کہ دہ سالٰ پد ھمدا بیای أنت ؤ ملاقات بہ بنت.

وھد گؤست ؤ دہ سال پورہ بیت ھر سئیں برات ھمودا کہ وعدہ و بوجی کوتگ أت ملاقات بیت أنت،

مستریں براتٰ درّاینت.(درّای إنت).. کہ بارین شما چی ؤ چی کوتہ وتئی کارپداں بہ گوش إت.

کستریں براتٰ گوشت کہ منا موت دواء گونیں ھر کس اگان زوت مرتگ ؤ انگہ تک قبر نہ کوتگ من آئیا زندگ کناں،

میانتاکی براتٰ گوشت کہ منا قالیءِ گون ھر کجا بلوٹ أئے ترا ھما جاگاہٰ ھما دمانٰ بارت ؤ سر کنت،

گڑا مسترین براتٰ گوشت کہ منا کتابءِ گونیں سرگذشت ؤ باندات حالٰ معلوم کنت،

دوئیں براتاں درّاینت برات باریں تؤ کتابٰ بچار کہ مئی ناکوزاتک زندگیں یا بیران بوتگ.

مستریں براتٰ کتاب پچ کوت ؤ چارإت گوشتی مئی ناکوزاتک بیران بوتگ بلہ کفن ؤ دفُن نہ کوتہ مردم سروناں نشتگ ؤ زار. (جنیگاینت.) جنئگای أنت.

کستریں براتٰ گوں میان تاکی براتٰ گوشت کہ بلہ کن ؤ وتئی قالی روانٰ چیر گیج نوں وھد  نگؤمیں دِہ دِھا بریں، گڑا ھر سئیں برات قالیٰ سوار بیت ؤ شوت أنت.

وھدءِ رس إتنت گڑا کستریں برات درّاینت گوں زار ؤ پیہال جنوکاں دراھیں جبزہ کوت أنت ؤگوشتی دورای إت کہ من مردگٰ زندگ کناں.

گڑا اشی شوت مردگ سرونٰ نشت ؤ ھما درمانٰ چہ کمءِ مردگ دماغٰ دات مردگٰ چشگءِ جت ؤ پاد آتک ؤ نشت، مردم دراھیں حیران بیت أنت.

گڑا شما گوش إت باریں اے جنیگ کئے لوگ بانوک بیت ؤ اشانی ناکوگ کئے را وتئی زامات کنت. ؟

نبیسوک آسکانی بلوچ.

دل نہ سھڑإیت و گر بادین إیت

دل نہ سھڑإیت ؤ گِرّ بادین إیت

زند منی مرگٰ  گونک  پِرّین إیت

اے بے وفایں دنیایٰ چکرین إیت

ھچ وڑا مئی مجگٕ نہ مرّین إیت

بچٕ سالونک إیں ترانگٰ  گیج إیت

زند اے دنیایٕ چونڈُوک پاچ إیت

نوں کئےدگہ أجگءِ پرمن کارإیت

اےمُرتگیں زندا مئی گورا دارإیت

کد کدیں بیت وکد بہ بیت باندات

وشیءِ خداوند پرے قوم بیارإیت

شاعر آسکانی بلوچ وتیں

بلوچستان لبزانکی کارواں

اے سوال
یکءِ نہ شم أئے دُرستیں رھبند دگہ وڑانت
چوش کہ من بگوشان
قول اردو زبانٰ منی خیال نہ تم لوگ نہ إدھر کا نہ اُدھر کا رھے
لیکن وتزان إت ھما پیم بوپس إت کہ شمارا وش بیت

بلہ منی خیالٰ بلوچستان سی ٹکوریں تہنا ہاکستان نہنت
چوش بیت کنت کہ شما ایدگہ بہران مان نیارإت
وتئی دل إئیگٰ پورہ کن إت

اے واجہاں بلوچستان لبزانک کاروان جوابیں

کہ مردا بنیادگپ کجا ترینت 🐕
جواب أنت

تو اِے دِگراں بِل وتی هال ءِ تَه‍ ءَ اَنت ، تو وتی هیال ءَ بِدار ءُ وتا شَرّ کنگ ءِ جهد ءَ بکن
چشیں گهینتگیں اردو بتل مئے سسا ءِ پتینکاں کپتگ اَنت ،
تو چے نبشتگ ؟ کمّے وت دلگوش بکن .

تئی دابیں ناسرپدانی پسّو منی کِرّ ءَ است اَنت ، بلے من تئی ڈولیں ناسرپدیں بگاه ءَ گوں باوست کنگ نہ لوٹاں....

💪💪💪💪
تؤ باریں یک شپءِ منی گورا بوپس ؤ تجربہ کن
اگان صباحٰ تئی رفتار ھٹ ھٹٰ نہ بیت گڑا واقعی تئی گپ راست ایں سنگت

سنگت گار کوتہ شؤمٰ شردا شوھازای أئے🤔😁

منی پسو پہ اے مردا اگاں ھر کس إیں

ھر یکءِ پہ وت وتساپٰ گروپءِ جوڈ کوتگ و زبان سبق دائے أنت. 🌿🌿🌿🌿

او پدا اگاں کسءِ شر دلگوش بہ کنت ھر یک گروپِ وتئی وڑا درس دات ؤ گال یک إیں بزانت فرق إیں. 😁😁😁

گوش أنت وھدءِ کہ خر ھپتار نگیند إیت گوش إیت مناں عبدالکریم.🤭🤭🤭

او وھدء موت کہ نزیک بیت گڑا چہ دپٰ ھر وڑیں گپ ؤ خبر در کئیت.😜😜😜

بلہ نہ من ھپتاراں او نئے من عزرائیلٰ کہ اے وتساپ گروپاں إش من مثل ملکموت تورس أنت

پرچیاکہ وھدءِ اشاں ھچ وڑیں سوال جوابٰ دات نکن أنت گڑا زورا پہ بد ؤ رد ؤ زاہ دأئے أنت

او تچ أنت وتا ناھندیم کن کہ مارا کس مگیندی
بلہ چوش نزانت کہ زاہ و بد کم نسل أئیگ ؤ بازاری جنین کاریں.

او اے وڑیں مردم کہ سوال جواب جاگہ نیست گڑا چطور مدرسہٰ چوک درس دأئے أنت و مردماں زبان یاد دأئے أنت.

نبیسوک آسکانی بلوچ وتیں

ندیستگ زندگیٰ من چوشیں لال

ندیستگ   زندگیٰ  من   چوش إیں  لال

شپ ؤ  روچ   نشتگ ؤ بنداں پر تو گال

اے دوئیں  روچاں مدأئے زندا منی بال

بلکہ مروچاں پہک کوتہ مارا تؤ بےحال

شموشتگ مئیگ  تئی ھما عاشقی چال

کہ ھؤرا مینت أنت مئی ھورا گؤرٕ شال

جنٕ گلندام زھر مکن مئی زندٕ بُن ؤ مال

نھئے راضی دیاں ترا گیشیں مہر ؤ مال

شـاعـر آسـکانی بلـوچ وتیـــــــں

من شکر کشان چہ خالق یکیں دانگٰ

من شکر کشاں چہ خالقٕ یکیں دانگٰ

ھر کس راضیگیں وتئی عقل ؤ زانگٰ

سوج سر ربٰ داتگ أنت وتی دُردانگٰ

محمد سردار دو جہان اشرفی چانگٰ

سی جُزیں قرآن وکتاب ایرأنت وانگٰ

بلہ لہتءِ  بشر عقل پاتالیں مئی زانگٰ

اے خدا وت خیر کن پراےڈولیں بشرا

سرحال نبیت  سوج نئے گوھریں حبرا

بزان چہ بُرزا  لگیتگ  آئیا خداوندٕ  تپرا

گُڈ پیغمبرٰ خدا دیم ندات خاصیں نفرا

خدا مرحمت کن  مئی عقل زحم ظفرا

کامیاب کن مئی اے جہانٕ آخری سفرا

شـاعـر آسـکانی بلـوچ وتیـــــــں

زاناں ملا روباہٰ گپتگ تپٰ

زاناں ملا روباہٰ گپتہ سیاہ تپٰ

نقصان کنت مرغ  پر وتئی نپٰ

پیریں ھچید نگیندی ماں شپٰ

شالا چاتءِ  تہار سیاہ إیں کپٰ

نئے بد زانت ونئےکہ نیکین جفا

کزم کاری دوزیں سیاہ إیں شپٰ

بارین چاراں سگاریں  سیاہ  دپٰ

باز ٹہل کنت گوں  پلیت إیں دپٰ

زاناں نقصان کنت وتا پرگپ رپٰ

نزانت تازی مئی تیاریں پر سرپٰ

شـاعـر آسـکانی بلـوچ وتیـــــــں

بنیادگپ : نریں نصیحت

بنیادگپ : نرین نصیحت

بیت یک روچءِ ؤ روزگارءِ کہ چہ امریکایٰ یک مزنیں دانشمندءِ پہ غریب ؤ  حاجتمندیں ملکانی مدت کنئگٰ إرادہ کوت ؤ آتک ماں تلفزون ؤ أخباراں إعلانی کوت کہ باندات دراھیں قوم ؤ ملکانی سروک پنجشنبہ صباح ساعت دہ نیمٰ فلان میدانٰ حاضر بہ بنت. 

گڑا دراھیں قومانی سروک حاضر بیت أنت  ؤ مردا لہتءِ سوال نبشتہ کوتگ أت کہ گوشندہٰ توار کنوک زورت ؤ گوشان کوت أنت

کہ ھر کس وتئی نزوریانی پسوا سوالانی ردا نبشتہ بہ کنت. 

گڑا دراھیں قومانی سروکاں کہ کمتریں بنگالی أت ؤ ملیباری وتئی قوم ؤ ملکٕ نزوریانی پسوإش نبشتہ کوت ؤ دات أنت. 

کہ وھد سوال ؤ جوابانی خلاص بئیگٰ پد مرد نمایندہٰ دراھیں سروکانی کاغد پچ گپت ؤ جماع کوت أنت. 

پشت کپت بلوچ کہ چہ دراج کشیں نبشتانک نتیجہٰ جواب ناکس بیت أنت مردا کاغد پچ گپت ؤبُرت،

بلہ مردا پہ بلوچ کاغدا کہ برابر نہت ھم  صبر کوت تاں بلوچ وتئی قوم نزوریان  برابر نبشتہ بہ کنت بلہ بلوچٰ نزانت کہ سوال چی ؤ چی بیتگ أتنت 

پرچاکہ چہ دراجیں نبشتانک ؤ بازیں حمزہ ؤ الف گیشینگ ؤ جدا نبیسکٰ وھد خلاص بیت بلوچٰ موہ نہ رس إت کہ دراھیں جواباں کامل نبشتہ بہ کنت

پمشکٰ چہ بازیں سوالءِ نبیسگٰ موہ نہ بیت  ؤ. 

فراموش بوت

گڑا مرد نمایندہٰ کاغد جماع کوت

جوابٰ پد بنگالیٰ ملک ؤ زبان رس إت ملیباریٰ زبان رس إت بلوچٰ ھچ نرس إت

پدا بلوچ شوت مرد گورا بازیں غلہ ؤزاریءِ کوت

گڑا مردا گوشت کہ برو پدا وتئی ملک و قومٕ نزوریاں نبشتہ بکن و بیا کاغدا منا بدئے

بلوچٰ کاغدا پدا وتئی دراج کشیں نبشتہ کوت أنت

کہ پہ روچءِ مزنیں مردم ھچبر دراج کشیں قصہ ؤ نبشتانک نہ وان إیت پرچاکہ آئ وھد باز کم إیں

گڑا مردا کاغدا بنیادگپٰ او آخری سئیں گالبنداں چمشانکءِ دات ؤ یک گورأئے کاغد إیر کوت.

آخر نتیجہ ایدگہ سروک مدت بیت أنت ؤ بلوچ سروک دپ پہ گواتٰ بیت ؤ وتئی خلقٰ واتر بیت

قادر لاشک إین کہ اے نصیحت أنت

سوج  سر کلیں مرد  بزانت حق أنت

عاقل  مئی  رندا کپتگ پہ درک أنت

پہوالیں گوشاں إشکونگ سک أنت

دیمرویٰ راج أئے أوشتاتگ مِک أنت

بے نپٰ نشتگ چو  گولوڈا وک أنت

تامر نبیسوک ؤ پربند آسکانی بلوچ وتیں

بنیادگپ تکبر و جاھلیٰ کانٹ پر إیں

بنیادگپ : تکبر و جاھلیٰ کانٹ پر بیت

باریں جاھل چطورین أنت

ابوجہلٰ چیا جاھل لقب دئیگ بوت کہ حقیقتٰ باوجود آئ إسلام قبول نہ کوت. پزور گوشتی منی گپ بایدیں سر بُورا بہ بیت، سکیں مزن تکبری أت.

کہ اے بت پرستی مئی پیرینی رسم ؤ رواج یا کہ دود ؤ ربیدگ بیتگ ما چطؤر اے رسمٰ یلہ دئیں.

ابوجہلٰ گوشت ما بُتاں یلہ ندئیں.

بلوچٰ گوشت سید ظہوشاہٰ دوازدہ حرف چگل داتہ ما پدا کار ؤ مرزش نکنیں.

اے فکر کن أنت کہ بلکیں راج دیمروی کنت

چوش نزان أنت اے وڑا صد سال گوستہ او تا قیامتٰ  ھمٕ وڑا کہ ھنوں ھست أنت ٹیلو و لونجان بنت نئے ماں زمینٰ او نئے ماں آسمانٰ. 

نوں مئی وڑیں مزن تکبر ؤ پہوال ماں وتساپاں چئیر ٹپ إتگ أنت کہ ھچ کس مہ زانت شر کنیں یا خراب بئید ھمایانی وتئی وڑیناں درس دائے أنت، کہ سوشیلٰ دراھیں مخلوق ردیاں سرپد بیت.

پدا وتئی سرش پِر نہ بیت کہ چی گوش أنت

وت گوش أنت کہ بلوچ زبان چہ درستاں مستریں زبان إیں اؤ دوازدہ بودیگ إیں حرف چگل داتگ أنت. 🤔

چوش نزان أنت کہ انبار ھر چوند مستر بیت

جاگہ گیشتر دار إیت.

مطلب بلوچ مزنیں انبارش کسان و نَز آرتگ ؤ نیم کوتہ پدا بس ٹہلان گوش دار کہ گوں وتئی ڈولیں پہوالان بیان کن أنت و دلبڈی إش دائے أنت کہ مئی کمزانت إیں ھوشٰ أمراہ داری بہ کن أنت مارا یلہ مہ کن أنت.

وھدءِ کہ یکءِ إش حقیقتٰ جُست کنت گڑا زور دپی کن أنت یا کہ بُنیادگپ ترین أنت پہ دگہ نیمگءِ برأنت

.

ما اے وڑیں چست و ایر دئیریں یلہ داتگ أنت بلہ إش مئی سر و بختاں نہ کپ أنت.

گڑا برءِ برءِ ما مجبور بین و اے وڑیں پیغام دیم دئیں پہ ھوشمند و عاقلاں تاں سرپد بہ بنت کہ صد سال گؤستہ انگہ اے قوم گوں  لاغٰ گلایش أنت درس دأئے أنت کہ بلکہ لاغ یک روچءِ گپ جنت چو مردم وڑا.

او انگہ ھوں سرپد نہ بنت کہ جانور ھچ وھد مردم وڑا گپ نہ کنت.

تیرأنت فولاتین ؤ درأنت چہ مئی واکٰ

آسکانی بلہ تو چیا مفتای جن أئے جاکٰ

چو  گیتکگ إیں آرتءِ ریتکہ ماں خاکٰ

زانانکہ دل مئی کپیں دیرتہ چاک چاکٰ

بلہ زاناں توفیق مارا داتہ خداوند پاکٰ

یلہ دأئے جاھلٰ دلگوشٰ تریں کاغد تاکٰ

عقل و ھوش ترا  داتگ صاحب أدراکٰ

گوں   پنجگٕ   تیز   نوک إیں  ھوسناکٰ

نبیسوک و شعر و پربند آسکانی وتیں

شنزإتگ ھؤرا ملج بہارگاھیں

شنزإتگ ھؤرا ؤملک بہارگاھیں
جکس إتگ ملک مردم گمراھیں

ھما مادنیں ڈنٰ  مئی مڑاگاھیں
ھمودا شاہماران ھوڈ جاگاھیں

اودا ھچ کس آتک نکنت ترسیں
أمنیا  بدل مئی اللٰہ رندا بلاھیں

لچی اؤ  داسیانی کارءِ  نہیں کہ
خالقٰ واب نیں بلاہ دائم آگاھیں

وھدٰ مرد وار کنت چئیر نٹپ أیت
بیای شوھازا بتل بلوچ  بیگواھیں

نزاناں تتک ؤ شوت درانڈیہا یا کہ
بلوچستان مادن ؤ  دمگاں پراھیں

شـاعـِـر آسـکانی بلـــوچ وتیـــــــں

Balochi Bathal
اے کجام تہریں 🤔

مرچاں یک دردیں ھؤرءِ گرند ؤ گرانیں

مرچاں یک دَردیں ھؤرءِ چو گرند ؤگُرانیں

چو نفس گیرٕ زھرکنیں سیاہ مارا چکرانیں

ناقصیں  عقل ؤ ھوش دلٕ بندوکٰ  بُرانیں

پیسری  کؤر جو اؤ  تکبنداں کلیں دِرانیں

مارا دلگوش گوں کلیں سیاہ مار نِہرانیں

کہ گوں گپ رپیں چم سُہر ملکاں ترانیں

زانانکہ عزت ؤ آبروا مئی کلیں نُقصانیں

بلہ ھرچیکہ ربٰ آرتہ مارا ھر دو چمانیں

شـاعـــــر آســـکانی بلــــوچ وتیـــــــں

إش ھچ کسٰ نیست مارا غلہ و گواھی

إش ھچ کسٰ نیست إیں مارا غلہ و گواھی

اگاں خداوند  گوں توانائیں قدرتاں بواھی

شالا کل بلوچ راجٰ مئی ھست أمید دراھی

بیت کدی باندا واجہ نندی گوادگرا شاھی

اے زرنقشیں خط پیغاماں من کناں راھی

بلہ دلگوشٰ گور کن چو دوز وأمنیاءٰ ڈاھی

قاصد برو ھمودا کہ نشتہ کل بلوچ جاھی

ھما کہ گپ رپ  و  دیوان إش  سرا  براھی

در ریچ کن مئی حلوتیں راز ؤ گالان آگاھی

چو بگوش سرداراں مئی دراھیں پادشاھی

زند دریں ملکاں واجہ گہتریں گار بیگواھی

عزت و آبروا دگر دست أیں مئی درانڈیھی

شـاعـــر  آســــــکانی بلــــــــــوچ وتیـــــــں

بانوک تئی سک باز مہربانی

بانوک تئی سک باز مہربانی

تو دات مارا اے  نیوگ بیانی

ما پیر کوت درانڈیھٰ جوانی

باریں چیءِ لبز نیبگٰ مکرانی

وش أت  ھما   وھد   مردمانی

ھرجاہ تیچک أت پتر زندگانی

گیشتر ھچ نیست أت پشیمانی

بزانکہ راج أت یتیم و بیوسانی

اے دھرا ھستیں بزّگءِ آسکانی

قصہ چارإیت ھما دھر مردانی


شـاعــر آســکانی بلــوچ وتیــں 

چو مچار مھرنگیں جنیک ماھیں

چو مچار  مھرنگیں جنیک ماھیں

سی دو چار  روچٰ  ما تئی مہمانیں

جنٕ محبت و مھرا ما تئی دلواھیں

بلہ عزت ؤ آبرو مئی دستٕ اللّہ إیں

دھر شوتہ نوک زاناں سنت  گناہیں

شیرکنیں مھر  و دوستی نکاح إیں

مئی گُمانٰ مرچاں اے دل نادراھیں

تئ گپ رپ و دیوان اے درد دوایں

جنٕ بیا ھما جاہٰ کہ مئی مڑا گاھیں

عاشق معشوق و مئی شکار جاھیں

 شـاعـر آسـکانی بلـوچ وتیـــــــں

 کجا من بہ گینداں گلیں پُل ترا

کہ دارگ نہ بیت دل گلی بے ترا

کدئیں گل  بہ نینداں  تئی  پترا

بچاراں تئی ملگور  ؤ گل مھپرا

دلٕ  رازاں  ریچاں گلی  گوں ترا

قؤلیگ بباں گل تئی عیشی سرا

نبیت ھچ خیال دور گلی إش ترا

منا رب مہ کنت دور گلی إش ترا

شـاعـر آسـکانی بلـوچ وتیـــــــں

دلگوش کن إت اللّہ قدرتاں إش آپٰ خون ھڈ إنسانءِ جوڈ کنت

دلگوش کن أت اللّہ قُدرتاں إش آپٰ خون ھڈ إنسانءِ جوڈ کنت

چہار ماہٰ پد بخت قسمت  زندگی أئے دست لکیرانی جوڈ کنت

نوہ ماہٰ نوہ  ساھتٰ مادرٕ لاپٰ ھروڑیں شیر نان نوش جان کنت

 گڑا قدرتٰ رب أئے ھما خون ھڈ طفلءِ کہ اے جہانٰ أومان کنت

مکہیں  مات کودکٕ گوشٰ بانگ صلوٰت راہ إسلام أئے شؤن کنت

پلوڈإیت کودک کرد ؤ کار إنسان أئیگ ؤ زندگیں نامءِ إئیر کنت

اگاں چہ کفر شَرک بدتٰ وتا  إش دراھیں جہان أئے سلہ کار کنت

ھوش شاہ  زانت لہڑ ھاریں زبان ؤ حکمت أئے رب مالا مال کنت
 جہانٰ نامدار ؤ محشرا جنت الفردوس أئے ھم بھردار کنت

چارإت رب رحمٰن قُدرتاں گون نیکوکردار چونیں إحسان کنت

شـاعــــر آســــکانی بلـــــوچ وتئـــی بـــــزّگ إیں جینــــــــدیں

سرگال یا بونگال : دلگوش کن بلوچ حقیقت

سرگال یا بون گال : دلگوش کن بلوچ حقیقتٰ

إن الفضل بیداللّہ یؤتیہ من یشاءُ واللّہ واسع علیم یختص برحمتہ من یشاء، و اللّہ ذوالفضل العظیم.

فاضل بزانت مہربان گوں کلیں أوصافاں.

جمع فضل إیں کہ اگاں ھمءِ حرف صاحب نام راست بہ بیت گڑا بزانکہ، اے حرفانی نوکر ؤ مسئول کہ خدایٰ مقرر کوتگ أنت صاحب شانٰ بحکم خدایٰ کہ وتی أمر داتگ بُرزاد برنت.

گڑا نایافت بے مٹ بے بدل ھوشمندیں ملا فاضلءِ جوڈ بیت.

ملاءِ بزانت پہ بلوچیٰ اللّہ حقیقی پجاہ آروک

گڑا ایدگہ عدل إنصاف ؤ دراھیں شریں کرد إنسانی خدایٰ ماں ملاءِ تہا مان چیتگ ؤ پُر کوتگ، شریں ملاءِ کرد وت ظاھر أنت.

اؤ اے نورانی حرفانی وانگ ؤ تقرار کنئگٰ ھنچوش کہ ملا فاضل کوتگ أنت دیگرءِ ھوں بہ کنت إش گڑا ھمءِ وڑیں نوجوانیں ملا فاضلءِ اللّہ إش وتئی قُدرتاں جوڈ کنت.

بلہ ھر کسٰ اللّہ یکیں وڑا ھچبر جوڈ نہ کنت لازم لہتءِ چیز ؤ نشانی إش إنسانی کردان فرق بیت،
یا چہ عقلٰ یا چہ شری ؤ بدیاں لازم قدر یک چیزءِ فرق کنت

🤔🤔🤔🤔🤔🤔🤔🤔🤔🤔🤔🤔🤔🤔🤔

ھر کسءِ  کہ بئید إش  مخلوقٰ اللّہ نیمگٰ   دلگوش کنت
خداوند ھوش زانت ؤ زبان أئے مثل بُلبُلٰ لہڑ ؤ ھار کنت

اے  دنیاءِ  دو  إیں  روچان  شان أئے بلند ؤ آبرو دار کنت
جنت  الفردوس أئے  نصیب  ؤ   ھفتاد  حورٕ  سردار کنت

اللّہ بے عزت ؤ بے آبرویں مرد نام توارا اے جہانٰ گار کنت
دگہ زیادہ ؤ گیشیں غم ؤ أندوہ  زندٕ چک أئے سر بار کنت

اے جہانٰ  برباد و محشرا گریت پٹین إیت واو ؤ زار کنت
 وتئی بے نپ إیں أرساں چو دردا ترونگلیں ھارءِ ھار کنت

اے دھر شاعر ؤ ندکار وڑا عقل شرد گار شومٰ شوھاز کنت
گوں حامگیں دپ  پاتالیں عقلٰ تکبرا توار ؤ جار  پہاز کنت

راست  ھماینکہ ھچ کس آئ دیما داشت نکنت
نامرد ھماینکہ حقیں گپٰ ھچبر برداشت نکنت

نامرد ھچ وڑیں لشکر ؤجنگ سرا داشت نکنت
لوگٕ  شیریں بلہ جنگلٕ روباہٰ توار پردات نکنت

سرگؤستٕ کسی بیتگیں ردیاں درگُذشت نکنت
دین اسلام وتی بلوچٕ أشرفی دودا داشت نکنت


بس کن آسکانی بلوچ تئی قلم سر دستٕ نکنت
إش گوھریں سوجاں ھچبرا  سرگوست  نکنت

آسکانی بلوچ وتئی جیند شاعر ؤ نبیسوک إیں
کہ أھدیگ إیں شیرانی  زند سرگوست زروکیں

دستٕ قلم مئی ناقصیں مردانی ھوش بروکیں
ھر رمگ وتئی ملک کھچر ؤ  زئیدانی چروکیں

وشیں سال موسم نشانی جمبر ؤ ھؤرٕ گروکیں
بلہ ھزارأفسوس گُلزمین رھبر نکسیں سروکیں

گالانی نبیسوک  آسکانی بلوچ  بزگیں جیندیں
گلزمینٕ گیند ؤ گِدار  ؤ دیدارا  نشتگ دل تنگیں

ھر وھد گوں وتئی عقلٰ دائم نشتگ چو جنگیں
مردان نئیکہ آسودگ إیں زندٕ دواء شراب بنگیں

زاناں  بون بیھا  قسمت  مئی ربٰ لک إتگ ژندیں
گلزمین بانور او عمر اے دنیای مرداں یک رندیں

مخلوق گوں زیور ؤ سھتاں آرام  ؤ  وش کندیں
بخت نصیب قسمت مئی اے جہانٰ سیاہ کنڈیں

بلہ مردان  مئی توکل ؤ دلگوش گوں خداوندیں
محشرا منیند جاہ مئی جنت الفردوسٕ جیندیں


پربنــد ؤ نبیســـــوک آســـکانی بلـــوچ وتیـــــــں

تراغؤث جیلانی شاہ کشات

ترا غؤث جیلانی شاہ کشات گوں لاگی

تؤ مئی بازار بدنام کوتہ خیراتیں داغی

ھر  روچ  تچ أئے روأئے أودا  ماں چاگی

کم بخت تؤ نوں  مئی جیند کوتہ باگی

حطام سرا  لوٹ إیت گرگ  بنت  واگی

گڑا نتچ أیت نرؤت أودا  کھچرا چاگی

ما دئیریں لیلام کوتگ أت ناچاریں کہ

سواری وشیں ھمءِ  لاگ محفل شاگی

🤔👌😎👍 آسکانی وتئی جیندیں

آسمانٰ مرچی جمبڑ ؤ ھؤریں

آسمانٰ    مرچی   جمبڑ   ؤ  ھؤریں

وھد  جوانی  مئی  عاشقی  دؤریں

دابانی مہرنگ ھور گوں ما  شؤریں

سئیل ؤ بازار  مئی سربازی  کؤریں

صورت ؤ رنگ تئی مارا شر  غؤریں

شیرکنیں لونٹ تئی نُک مئی جوریں

ترونگ إیں برف ؤسرد سک گوھریں

گل گؤر أمبازان  مرچی  مئی  بہریں

شـاعـر آسـکانی بلـوچ وتیـــــــں

فکر مکن مھرنگ اے بلوچ رنگیں

فکر مہ کن مھرنگ اے بلوچ رنگیں

موسم  اے  وشیں آتکگ  گُل تنگیں

مھرنگ  تئی جیندا دل  مئی بندیں

غم مہ لڈ گیشیں کہ دل مئی ژندیں

إش گندھیں مہراں دل مئی زنگیں

نشتگاں تنہا مھرنگ آپ بدل بنگیں

واھگؤں مرچی مہرنگ تئی گیندیں

بیتگاں باز سیاہ دل اےآخری رندیں

 گلبدن مرچی مئیگ ؤ تئیگ جنگیں

عشق بازارا گڑا پدچکرگ مارا ننگیں

عذر میار مہرنگ دست ؤتئی ونگیں

باقی گڑا  ھمت مرداں اؤ خداوندیں

شـاعـر آسـکانی بلـوچ وتیـــــــں

کنڈگءِ چوٹیں پہ ھلو ھالو راست نبیت

کنڈگٕءِ  چوٹیں پہ ھلو ھالو  راست نبیت
مشکل إیں کارءِ جوڈ کنئگ إشتاپ  نبیت

زاناں بخت أقبال اے بزگیں قومٰ بہر نبیت
زندگٰ مئیگٰ زاناں نیندگٰ ملک ؤشہر نبیت

سوج ؤ سر حقیں عاقلیں مردم قہر نبیت
مردم گوں  وتبراتٰ وتئی ھچبر زھر نبیت

بئید  وتئی راجٰ ھچبرا ھچ  کس میر نبیت
شیرکنیں مہر إش دلٰ مردٕ ھچبر دیر نبیت

ھردُکہ رومال سر دریں مردا پہڈ بہر نبیت
بازار زالٰ مڑاگاہان عزت ؤجاگاہ مہر نبیت

بس کن  آسکانی تئی قلم دستٕ گیر نبیت
إش بلوچ قومی خط ؤ پیغاماں دیر نبیت

شاعر آسکانی بلوچ وتئی زندگیں جندیں
بلوچ  قوم دلجمیں مکرانٕی پُشتپد رندیں

ما ھوں نشتگ پہ غلنازیں دپءِ پہڈ بندیں
دل مئی إش بندوکٰ سِستہ بیہا ژند ژندیں

عاقبت یک روچءِ  اے دوإیں چمان بندیں
روإیں ماں یک تاروک إیں جاگاہءِ  نیندیں

شـاعــــــر آســــکانی بلـــــــوچ وتیـــــــــں

گنوکیں چال کوتگ پروشتگ خیالٰ

گنوکیں چال کوتگ  پروشتگ خیالٰ
عجیب إیں فکرءِ کوتگ لہتءِ پہوالٰ

إش بُنا چوٹ إیر کوتگ ڈوکءِ دیوالٰ
صد سالیں کن أنت جہد ؤ وھد زوال

جن أنت سر وپاد گون کلیں واک مالٰ
 راست کوت  نکن أنت چوٹیں  دیوالٰ

نزانت کار أنت إش وتئی بزگیں حالٰ
کن أنت کوکار واھیگٕ زوریں چیہالٰ

کہ بیا رندا کپ إت شما ھم چو شگالٰ
او گوج إت ھوشٕ رھبندٕ آھونڈ ؤنہالٰ

سوچ إت شاھزانتیں بلوچ آبرو جہانٰ
کہ بے علم نہ شاکار إیت کتابانی گالٰ

چتؤر پہڈ  کن أئے وھدٕ شاھی میدانٰ
قوم کاینت رھبند زرنقشیں قلمی گالٰ

کئے سرپد کنت ترا گوں اے وڑیں حالٰ
کہ بدل بہ کن وتئی گورٕ چلی إیں شالٰ

پروش بدأئے ھمءِ دیوال سرجمیں بانٰ
پدا إش بُنا راست إیر کن ھشت دیوالٰ

چمان وت  گیندأئے مخلوقٰ آسمان بالٰ
تؤ ھم  دلگوش کن وتئی بزگ إیں حالٰ



شاعر آسکانی بلوچ وتئی زندگیں جندیں
بلوچ قوم  مکران دلجمین مردانی رندیں

مھرنگ یک ھورءِ جنتی

مھرنگ  یک حورءِ جنتی

بندگ نہ بیت ھچ  قیمتی

شالءِ  گؤرأینی مسقطی

گام گیاں کبگءِ  تربتی

گوں تؤ کناں گل من منتی

دیما مئی بنیند گل قیمتی

گل  رازءِ  بہ کن  تؤ حلوتی

موسم  شبابیں  وھد  وتئی

یلہ مدأئے رسم روجٰ سُنتی

عھد ؤ پیمان بندیں صنتی

کہ یادگار بمان إیت  برکتی

جنٕ دلرنج  مہ کن آو جنتی

شـاعـر آسـکانی بلـوچ وتیں.

تؤ کئ أئے کہ أجگاں ساہ کشئگ نئیل أئے

تؤ کئ أئے  کہ أجگاں ساہ کشئگٰ نئیل أئے

تؤ چیءِأئے  کہ مردمٰ آرام نیندگٰ نئیل أئے

مرد زاناں تئی بخت کپتگ کہ کیلڈ کارأئے

جؤڈأئے چو نادراہٰ ؤ مردمٰ دلگوش دارأئے 

لاگٰ سر  مست إیں پادانی  پنزوک چارأئے

وھدءِ سر دیوالا  ڈُک وارت بے نپٰ نال أئے

گڑا صبر ؤ برداشتٰ سنگت لیڈوی بیارأئے

جبر ؤ زوراکی  مہر ؤ محبتءِ سرا کارأئے

إش مہر سیاد وت براتٰ سیستگ ؤ گارأئے

بال کوتہ تئی ھوشٰ إش عقلا  پہک وارائے

گاہءِ پر ھوش ؤ گاہءِ چو گنوک بے سارأئے

انگریزی ٹیک ٹوک یوٹوپٰ وتا لئیب دارأئے

إش غیرت ؤ لجٰ ؤ آبروا مئی بلوچ دورأئے

چتؤ سربازی حیاءِ ترمپءِ آپٰ بہا زورأئے

جزماں کہ تیوگ إیں  جندا  بیوسٰ مارأئے

پر دپی وشاتکءِ  نشتگ ؤ سنگت  چارأئے

إش غم ؤ فکر ؤ أندوھاں  زند  وت بارأئے

مردم ناچارینکہ مُرتگیں درچکانی بہارأئے

آسکانی چیا ھر  وڑیں سوج  پنتٰ تیارأئے

 بلہ جزمٕ زانانکہ  سنگت  تؤ اللّہ معیارأئے

شـاعـر آسـکانی بلـوچ وتیـــــــں

 

اش بلوچ رنگ ؤ أشرفی ننگٰ تؤ درأئے

اش بلوچ  رنگ ؤ أشرفی ننگٰ  تؤ درأئے

پڈَکہیں پاگ ؤ چادر ؤ رومالا سر درأئے

اش عزت آبروٕ پوچ پوشاکٰ جان درأئے

جیندٕ کرداراں  وتئی دراھیں با خبرأئے

ساہ  درانڈیھا  کج إتگ مجبور  دگرأئے

بمبوئیں نوداں چونڈُوکٕ نانٰ پچ گِرأئے

تُرس تئ موتیں ناگہان یک روچٕ مِرأئے

بئید نیک کرداں ؤگودءِ دگہ ھچ نبرأئے

جنت جہندم دست ربیں اگہ با خبرأئے

فکر بہ کن اے انسان آخر تؤ در سفرأئے

اگہ جہانٰ اش نیک إیں کردا بے ظفرأئے

محشرا اے دنیاء عمر واترا بژنیگ زرأئے

آسکانی تؤ حق تچک إیں گالانی نفرأئے

إش بیہا ربٕ لاڈکیں شہیدانی ول برأئے

سنگت تؤ وتئ برات گہارانی راھدر برأئے

اش ناشرإیں شوم شیطانٕ کرداراں درأئے

فکر بکن شر کہ عاقبت یک  روچءِ  مرأئے

 نیک بد کردانی ثمرہٰ آخر یک روچٕ ورأئے

شـاعـر : آســـکانی بلـــوچ وتئـی جیندیں.

واجہ پیس پیرانی کس مبند پہڈا

واجہ پیس پیرانی کس مبند پہڈا

کن  تؤ  وتئی جیندٕ زندگ أیں ٹہلا

کردار ٹہلیں إیر نہیں نماسگ بہرا

ساھتٕ چوک إیں ھرکس ھر دھرا

نیکیں کرد بہرءِ جنت وارت چہرا

اگاں کسءِ  نام داریں  وتئی دھرا

ٹہل مہ کن تالان ھچ پیروکٕ  دؤرا

وھد چکرانیں چو باز تک إیں کؤر

اگاں حسدی ائے چو کُچلیں جورا

نیکی گواران کن چو دردیں ھؤرا

ھر بزّگ  ؤ بیوس سرا وتئی دھرا

نام زراں بیت تئ در ھموک شہرا

زند   نیکو  کردار إیں  مئی   پہرا

یا خدا  وشی بیار مئی اے  دھرا

شـاعـر آسـکانی بلـوچ وتیـــــــں

کرد ؤ کار چونیں تؤ کن أئے صدق ؤ ظاھرا

کرد ؤ کار چونیں تؤ کن أئے صدق ؤ ظاھرا

ھوشٕ دستشودائے ٹہل کن أئے  مثل ماھرا

دروگ ؤ حیلہ مکر ساز أئے چو  مثل مھترا

بے سماءأئے  خرچ لوگ  جن چوک ؤ کسترا

اے وڑیں بلوچ من ندیتگ ھچ جاہ ؤکشورا

نئے ماں کتاباں ونتگ اے وڑیں قصه پیسرا

بادگیر تئی قفل ایں ؤ کپتگ أئے تنہا بسترا

چوپ أئے زگ بورّ ؤ ساٹ أئے کانپولین سرا

زاناں کئی عمر چہر داتگ پستگ ؤبادام برا

بزّگ عمر پدا واتر نہ کنت  ھیچ  وھد دوبرا

یا شُوکُورإیت دل کہ بانورءِ نندی تئی گورا

ماہ گورا أنگار ڈیک نہ نیندی بزُگ تئی  پترا

بلوچی عزت  آبروا بال کوتہ اش تئی چترا

شردا گار کوتہ شومٰ شوھازئے پہوالیں سرا

اے بلوچ ننگءِ واجہ اش تئی کرداں ظاھرا

مردم ناچار إیں کئے بہ  کنت  صدق ؤ باورا

ھما معیاریگیں کہ سوج ندات  حقیں داورا

جُست بنت اے  درست قیامت روز  محشرا

بس کن آسکانی گونڈ بگر وتئی شعرٕ دفترا

سوج پند تئی أیرگیر کن أنت چو ٹال  تپرا

شـاعـر : آســــکانی بلـــوچٕ  وتئی جیندیں

خالقٕ ذکرا مؤمن إیں مرداں مست بنت

خالقٕ  ذکرا مؤمن إیں  مرداں  مست بنت

شوماں سرگوستٕ کار کرداراں پست بنت

کار و کرداں در جوانیٰ تئی گر کست بنت

زُرتگ إیں زراں پیریٰ گڑا لازم جُست بنت

رشوت بئیپاری ھچ وڑیں نیستیں محشرا

سجہیں مردم گوں وتئی ھِیداں غرق بنت

قیامتٰ  نئیکہ چہ ذات  ذریاتٰ جُست بنت

نیک ایں کرداراں  محشرا  بالا  دست  بنت

نیکبخت ھروہدا گوں بیوسٰ ھمدست بنت

گڑا عرشٕ سارتیں  ساھگ چیرا  ھست بنت

یتیمءِ فریات  قیامتٰ  گناھکارا  مدت بنت

جہنم رک أنت گون جنت حوراں مست بنت

باریں مئی کردان محشرا چپ یا راست بنت

امان چہ ھما کردا کہ مُز بدل آس ؤداغ بنت

شـاعـر آسـکانی بلـوچ وتیـــــــں

اندوھاں سیست دل چہ بوست باھوندا

أندوھان سیست دل چہ بُوست باھوندا

براس مئی بیگواہ أنت چہ زیارت وگندا

بے کسو بیوس و بے براس بے ھدابوندا 

نوں من چتؤ  گوازیناں گونڈوک إین زندا

أے أرساں آسیگ إین ؤ بژن گوں ھم  بندا

زانا سُہر کُپ إیں داغ انت چہ ظالم جندا

شپ کہ چار پاس أنت گوں پادا إیر نیندا

یک ساھتءِ  ھوں نئیل أنت غم مئی زندا

ھچ در  چارہ أئے نیست بئید چہ خداوندا

یا رب تؤ وت چک پروش کن بدواہ  جندا

گؤنڈل إنانٰ بگر  مکراںٰٰ گوں دراھیں آبندا

مئیل کہ  بدواہ  نئیل إیت ھچ بلوچءِ رندا

شـاعـر آسـکانی بلـوچ وتیـــــــں

زینت دنیا مروچان زیب داریں

زینت  دنیا  مروچان زیب  داریں

فطرت اے دنیا مئی سرا سواریں

مئی دپٕ تروک إیں زبان  ھاریں

ھوش مئی کانپولیں سرا گاریں

اے کوڑھیں دنیا مئی سرا باریں

ھر دیما چارائے  اے دنیا تھاریں

مشرق  تاں مغرب  دنز ؤ غُباریں

بلہ انگاں پلین بلوچستان بہاریں

دل مئی کوھیں سیستگ چاریں

پنجگ و دستٰ مئی قلم سواریں

کاغدٕ پُشتٰ  چو وش سپاہ داریں

کہ دود و ربیدگ بلوچ براہ داریں

عقل مئی بدواہٰ شوشتہ بیساریں

ھوشیں چہ زانتٰ بیہ شوتہ واریں

پُلین بلوچستان اش ما  غلہ داریں

ڈیل مئی ھمائ دردانی شریداریں

ھچ نزانیں اے برات یا کہ گہاریں

گیشتر چہ عزت آبروا دستبردایں

کاریں دوزی دروگ حسد  گِہاریں

جندیں گوں براتٰ شیر مرد واریں

خدایں یلہ داتہ مخلوق چم داریں

جُھدیں درھم  دولت مال کلداریں

بلہ  بے بلوچ نہیں بازینءِ شرفداریں

چو رستم زالٰ لہتءِ بلوچ بیم داریں

جھد کن آسکانی بلوچستان بہاریں

بانداتیں  روچٰ  مئی سئیل ؤ بازاریں

شـاعـر : آســــکانی بلـــوچ وتیـــــــں

کپتگ أبت کوہ و جاہ جتگ جمپاں

کپتگ أنت کوہ و جاہ جتگ جُمپاں

بے  نکاحانی  چوک  شرف  دار أنت

مرد وریں  شیران  بیتگ أنت کُپان

میر لگورانت کہ مہریگٰ سوار أنت

دھر  مئی چماں بیتگ  چو  ساچان

ٹوہ گیرت ورات چہ پیسری راجان

کاردار  گوں ماڑیاں  شرف  دار أنت

واجہ دیوان إیں ماں جنگل و دازان

غلہ  و شکواہاں مئیگاں سک باز أنت

گوں  قدرتٰ  مئیگٰ  بے تنگٰ ساز أنت

أرس أرمان  گوں أندوھاں  گواز أنت

اے دراھیں گواھی مئی دلی راز أنت

بس کن نوں آسکانی تئی خبر باز أنت

گوں عاقلیں  مرداں  گوھریں واز أنت

بلوچی بتل و شعر گوں آسـکانی بلـوچٰ