جی منی مستاگ حال بر وشگوانکیں قُلی
دل زری چول جنت أرس بنت چماں گُلگُلی
کاغدءِ پُشتٰ من نقش کناں چند گال بُلبُلی
زور منی پنتان بلوچ گوز چرے اندا ساحلی
بؤرا وتئ تاچین سوار رؤت تیز چو دُلدُلی
روچٰ شوھاز کن راج بہ بیت دراھیں ھمدلی
وھدیگیں یادؤں ماں سرا سوار أنت ماھلی
چاپ نازینک أت ماں دیوانٰ کاڑاں ماہ گُلی
ھچ کسٰ نیست أت ماں دلٰ ھچ پیم کاھلی
آس ؤ روک أت شکار گرست دیزاں منجلی
اے عجب وھدءِ کہ ھر کسٰ زورتگ جاھلی
جنگ پیکارا وت ماں وت ھور أنت داخلی
مثل إنسانٰ چو گوش أئے صید أنت جنگلی
مادن إش یلہ داتگ ؤ تچ أنت کوھاں گاڈلی
ایوکٰ تؤ آسکانی ھوں مجن شعر ؤ دئیدلی
برو پر وتا شوھاز کن دیگہ دوستءِِ ھمبلی
شــاعـــر آســــــکانی بلـــــوچ وتیــــــــں
